ನವಮಂಗಳೂರು ಬಂದರಿಗೆ ಆಗಮಿಸಿದ ‘ಕೋಸ್ಟಾ ವಿಕ್ಟೋರಿಯಾ’ ಪ್ರವಾಸಿ ಹಡಗು

ಮಂಗಳೂರು: ಇಟಲಿ ಮೂಲದ ‘ಕೋಸ್ಟಾ ವಿಕ್ಟೋರಿಯಾ’ ಎಂಬ ಹೆಸರಿನ ಐಶಾರಾಮಿ ಪ್ರವಾಸಿ ಹಡಗು ಇಂದು ಬೆಳಿಗ್ಗೆ ನವಮಂಗಳೂರು ಬಂದರಿಗೆ ಆಗಮಿಸಿದೆ. ಈ ಹಡಗನ್ನು ಮತ್ತು ಅದರಲ್ಲಿದ್ದ ಪ್ರವಾಸಿಗರನ್ನು ಜಾನಪದ ನೃತ್ಯದ ಮೂಲಕ ಸಾಂಪ್ರದಾಯಿಕ ರೀತಿಯಲ್ಲಿ ಸ್ವಾಗತಿಸಲಾಯಿತು.

ಈ ಪ್ರವಾಸಿ ಹಡಗಿನಲ್ಲಿ 1928 ಪ್ರಯಾಣಿಕರು ಹಾಗೂ 766 ಸಿಬ್ಬಂದಿ ಪ್ರಯಾಣಿಸುತ್ತಿದ್ದಾರೆ. ಕೋಸ್ಟಾ ವಿಕ್ಟೋರಿಯಾ ನವಮಂಗಳೂರು ಬಂದರಿಗೆ ಆಗಮಿಸುತ್ತಿರುವ ಈ ಪ್ರವಾಸಿ ಋತುವಿನ ಹತ್ತನೇ ಹಡಗಾಗಿದೆ.

ಮುಂಬಯಿಯಿಂದ ಆಗಮಿಸಿದ ಈ ಪ್ರವಾಸಿ ಹಡಗು ಮಂಗಳವಾರ ಸಾಯಂಕಾಲ 06 ಗಂಟೆಗೆ ನವಮಂಗಳೂರು ಬಂದರಿನಿಂದ ಹೊರಟು ಕೇರಳದ ಕೊಚ್ಚಿಯತ್ತ ಹೊರಟಿದೆ.