ಹೌದಾ ಮಾರಾಯ್ರೇ! : ಉತ್ತಮ ಉದ್ಯೋಗಿಗಳ ಪಾದ ತೊಳೆದ ಸಿಇಒ

ಉತ್ತಮವಾಗಿ ಕೆಲಸ ಮಾಡಿದ್ದಕ್ಕಾಗಿ ಮೇಲಧಿಕಾರಿಗಳು ಅಥವಾ ಉದ್ಯೋಗದಾತರಿಂದ ಮೆಚ್ಚುಗೆ ಪಡೆಯುವುದು ಎಲ್ಲ ಸಿಬಂದಿಯ ಬಯಕೆಯಾಗಿರುತ್ತದೆ. ಅಧಿಕಾರಿಗಳು ಮಾತನಾಡಿ ಮೆಚ್ಚುಗೆ ಸೂಚಿಸಬಹುದು, ಉಡುಗೊರೆ ನೀಡಬಹುದು ಅಥವಾ ಬೋನಸ್‌ ನೀಡಬಹುದು. ಆದರೆ ಉದ್ಯೋಗದಾತರು ಮೆಚ್ಚುಗೆ ರೂಪದಲ್ಲಿ ಉದ್ಯೋಗಿಗಳ ಕಾಲು ತೊಳೆದರೆ ಹೇಗಿರುತ್ತದೆ? ಅಂಥ ಕೆಲಸವನ್ನು ಚೀನದ ಕಾಸ್ಮೆಟಿಕ್‌ ಸಂಸ್ಥೆಯ ಅಧ್ಯಕ್ಷ ಮತ್ತು ಸಿಇಒ ಮಾಡಿದ್ದಾರೆ.

ಉತ್ತಮವಾಗಿ ಕೆಲಸ ಮಾಡಿದ 8 ಉದ್ಯೋಗಿಗಳ ಪಾದಗಳನ್ನು ಅವರು ತೊಳೆದಿದ್ದಾರೆ. ಅವರ ಈ ಕೆಲಸಕ್ಕೆ ಜನರಿಂದ ಭಾರೀ ಮೆಚ್ಚುಗೆ ವ್ಯಕ್ತವಾಗಿದೆ ಎಂದು ಭಾವಿಸಿದ್ದೀರಾ? ಖಂಡಿತಾ ಇಲ್ಲ. ಅವರ ಈ ನಡೆಯನ್ನು ಶ್ಲಾಘಿಸಿರುವುದು ಕೆಲವೇ ಮಂದಿಯಾದರೆ, ಅದನ್ನು ಟೀಕಿಸಿರುವವರೇ ಹೆಚ್ಚು.

ಕಷ್ಟಪಟ್ಟು ದುಡಿದವರ ಕಾಲು ತೊಳೆದರೆ ಬರುವ ಸೌಭಾಗ್ಯವೇನು? ಕಂಪೆನಿಗೆ ಲಾಭ ಮಾಡಿಕೊಟ್ಟವರಿಗೆ ಕಂಪೆನಿ ಲಾಭಾಂಶದಲ್ಲಿ ಪಾಲು ನೀಡಬೇಕು ಎಂದು ಜಾಲತಾಣಿಗರು ಹೇಳಿದ್ದಾರೆ. ಇನ್ನೂ ಕೆಲವರು ಇದರ ಬದಲು ಬೋನಸ್‌ ನೀಡಿದ್ದರೆ ಒಳ್ಳೆಯದಿತ್ತು. ಹಣದ ವಿಚಾರದಲ್ಲಿ ಎಲ್ಲ ಕಂಪೆನಿಗಳೂ ಒಂದೇ ಎಂದು ಇನ್ನು ಕೆಲವರು ಕುಹಕವಾಡಿದ್ದಾರೆ.