ಕಾರ್ಪೋರೆಟ್‌ ತೆರಿಗೆ ಕಡಿತ : ಸ್ಥಳೀಯ ಮಟ್ಟದ ಉತ್ಪಾದನ ಘಟಕಗಳಿಗೆ ಸಹಕಾರಿ

ಹೊಸದಿಲ್ಲಿ : ಶುಕ್ರವಾರ 37ನೇ ಜಿಎಸ್‌ಟಿ ಸಭೆಯಲ್ಲಿ ಕಾರ್ಪೋರೇಟ್‌ ವಲಯಗಳ ತೆರಿಗೆ ದರವನ್ನು ಕೇಂದ್ರ ಸರಕಾರ ಕಡಿತಗೊಳಿಸಿದೆ. ಈ ನಿರ್ಧಾರದಿಂದ ಆರ್ಥಿಕ ಕ್ಷೇತ್ರ ಸುಧಾರಣೆಯಾಗಲಿದ್ದು, ಸ್ಥಳೀಯ ಮಟ್ಟದಲ್ಲಿನ ಉತ್ಪಾದನೆ ಘಟಕಗಳ ಬಲವರ್ಧನೆಗೆ ಸಹಕಾರವಾಗಲಿದೆ ಎಂದು ಆಟೋಮೊಬೈಲ್‌ ವಲಯದ ತಯಾರಕ ಸಂಸ್ಥೆ ಅಭಿಪ್ರಾಯಪಟ್ಟಿದೆ.

ದೇಶಿಯ ಕಂಪೆನಿಗಳ ಉತ್ಪಾದನೆ ಮೇಲಿನ ತೆರಿಗೆಯನ್ನು ಶೇ.25.17 ರಷ್ಟು ಇಳಿಸಿದ್ದು, ಏಪ್ರಿಲ್‌ನಲ್ಲಿ ಆರಂಭವಾಗುವ ನೂತನ ಆರ್ಥಿಕ ವರ್ಷದಿಂದ ಈ ನಿಯಮ ಅನ್ವಯವಾಗಲಿದೆ ಎಂದು ನಿರ್ಮಲಾ ಸೀತಾರಾಮನ್‌ ಪ್ರಕಟನೆಯಲ್ಲಿ ತಿಳಿಸಿದ್ದಾರೆ.

“ಹೊಸದಾಗಿ ಬಂಡವಾಳ ಹೂಡುವ ಕಂಪೆನಿಗಳ ತೆರಿಗೆಯನ್ನು ಶೇ.15 ಕ್ಕೆ ಇಳಿಸಿದ್ದು, ಹೂಡಿಕೆದಾರರನ್ನು ಉತ್ತೇಜಿಸುತ್ತದೆ. ಜತೆಗೆ ಆಟೋಮೊಬೈಲ್‌ ವಲಯಕ್ಕೆ ಎಫ್ಡಿಐ ಯಿಂದಲೂ ಬಂಡವಾಳ ಹರಿದು ಬರಲಿದೆ. ಮುಂದಿನ ದಿನಗಳಲ್ಲಿ ಈ ಆರ್ಥಿಕ ನೀತಿಯಿಂದ ಆಟೋಮೊಬೈಲ್‌ ಮಾರುಕಟ್ಟೆಯಲ್ಲಿ ಬೇಡಿಕೆ ಹೆಚ್ಚಾಲಿದ್ದು, ವ್ಯಾಪಾರ-ವಾಹಿವಟಿನ ಚಟುವಟಿಕೆಗಳು ಬಿರುಸುಗೊಳ್ಳಲಿದೆ ಎಂದು ಆಟೋಮೊಬೈಲ್‌ ವಲಯದ ತಯಾರಕ ಸಂಸ್ಥೆಯ ಅಧ್ಯಕ್ಷ ರಾಜನ್‌ ವಾದೇರ ತಿಳಿಸಿದ್ದಾರೆ.