ಬೆಂಗಳೂರು ಪೊಲೀಸ್ ಪಡೆ ಮೇಲೆ ದಾಳಿಗೆ ಭೂಗತಪಾತಕಿಗಳ ಸ್ಕೆಚ್!

ಬೆಂಗಳೂರು: ರೌಡಿಶೀಟರ್ ಅಗ್ನಿಶ್ರೀಧರ್, ಬಚ್ಚನ್, ಸೈಲೆಂಟ್ ಸುನೀಲ, ಒಂಟೆ ರೋಹಿತ್ ಸೇರಿದಂತೆ ಹಲವರ ಬಂಧನದ ಹಿನ್ನೆಲೆಯಲ್ಲಿ ಬೆಂಗಳೂರಿನ ಪೊಲೀಸ್ ಪಡೆಗಳ ಮೇಲೆಯೇ ಭೂಗತ ಪಾತಕಿಗಳು ದಾಳಿ ನಡೆಸಲು ಹಾಕಿರುವ ಸ್ಕೆಚ್ ಅನ್ನು ಪೊಲೀಸರು ವಿಫಲಗೊಳಿಸಿದ ಘಟನೆ ನಡೆದಿದೆ ಎಂದು ಟಿವಿ9 ವರದಿ ತಿಳಿಸಿದೆ.

ಪೊಲೀಸ್ ಇಲಾಖೆ ಮೇಲೆ ಭೂಗತ ಪಾತಕಿಗಳು, ರೌಡಿಗಳು ದಾಳಿ ನಡೆಸುವ ಹಿನ್ನೆಲೆಯಲ್ಲಿ ಬೆಂಗಳೂರಿನ ಅಪಾರ್ಟ್ ವೊಂದರಲ್ಲಿ ಸಭೆ ಸೇರಿದ್ದ ವಿಷಯ ತಿಳಿದ ಪೊಲೀಸ್ ಇಲಾಖೆ ಅಧಿಕಾರಿಗಳು ದಾಳಿ ನಡೆಸಿ ನಾಲ್ವರು ರೌಡಿಗಳನ್ನು ತಡರಾತ್ರಿ ಬಂಧಿಸಿರುವುದಾಗಿ ಉನ್ನತ ಮೂಲಗಳು ತಿಳಿಸಿರುವುದಾಗಿ ವರದಿ ವಿವರಿಸಿದೆ.