ಜೀನ್ ಬದಲಾವಣೆ ಮಾಡಿ ಶಿಶು ಸೃಷ್ಟಿ : ವಿಜ್ಞಾನಿಗೆ 3 ವರ್ಷ ಜೈಲು

ಬೀಜಿಂಗ್‌: ವಿಶ್ವದಲ್ಲಿಯೇ ಮೊದಲ ಬಾರಿಗೆ ಜೀನ್‌ (ವಂಶವಾಹಿಗಳಲ್ಲಿ) ಬದಲಾವಣೆ ಮಾಡಿ ಮಕ್ಕಳನ್ನು ಸೃಷ್ಟಿಸಿದ ವಿಜ್ಞಾನಿ ಹಿ ಜಿಯಾನ್‌ಕುಯಿ ಎಂಬವರಿಗೆ 3 ವರ್ಷ ಜೈಲು ಶಿಕ್ಷೆ ವಿಧಿಸಲಾಗಿದೆ. ನಿಯಮ ಮೀರಿ ಅವರು ವೈದ್ಯಕೀಯ ವೃತ್ತಿ ನಡೆಸಿದ್ದಾರೆ ಮತ್ತು ಚೀನದ ವೈದ್ಯ ನಿಯಮಗಳನ್ನು ಉಲ್ಲಂಘಿಸಿದ್ದಾರೆ ಎಂಬ ಆರೋಪ ಹೊರಿಸಲಾಗಿದೆ.

ಚೀನಾದ ಸದರ್ನ್ ಯುನಿವರ್ಸಿಟಿ ಆಫ್ ಸೈನ್ಸ್‌ನಲ್ಲಿ ಸಹ ಪ್ರಾಧ್ಯಾಪಕರಾಗಿ ಸೇವೆ ಸಲ್ಲಿಸುತ್ತಿದ್ದ ಅವರು ಸಿಆರ್‌ಎಸ್‌ಪಿಆರ್‌ – ಸಿಎಎಸ್‌ 9 ಎಂಬ ತಂತ್ರಜ್ಞಾನದಿಂದ ಮಕ್ಕಳನ್ನು ಸೃಷ್ಟಿಸಿರುವುದಾಗಿ 2018ರ ನವೆಂಬರ್‌ನಲ್ಲಿ ಘೋಷಿಸಿ, ವಿವಾದಕ್ಕೀಡಾಗಿದ್ದರು.