ಬಜೆ ಜಲಾಶಯದ ಹೂಳೆತ್ತುವ ಕಾಮಗಾರಿ ಮುಂದುವರಿಕೆ

ಉಡುಪಿ: ನೀರಿನ ಸಮಸ್ಯೆ ನಿವಾರಿಸುವ ನಿಟ್ಟಿನಲ್ಲಿ ಬಜೆ ಅಣೆಕಟ್ಟಿನಲ್ಲಿ ಕೆಲಸಕಾರ್ಯಗಳು ಭರದಿಂದ ನಡೆಯುತ್ತಿವೆ. ಒಂದೆಡೆ ನಗರಸಭೆಯಿಂದ ಪಂಪಿಂಗ್‌ ಪ್ರಕ್ರಿಯೆ ನಡೆದರೆ ಮತ್ತೂಂದೆಡೆ ಹಿಟಾಚಿ ಮೂಲಕ ಬಂಡೆಗಳ ತೆರವಿನಿಂದ ಮತ್ತು ನದಿಯ ಅಲ್ಲಲ್ಲಿ ದೊಡ್ಡ ಹಳ್ಳಗಳಲ್ಲಿ ತುಂಬಿರುವ ನೀರನ್ನು ಪಂಪ್‌ ಮಾಡಲಾಗುತ್ತಿದೆ.

ಬುಧವಾರ ಶಾಸಕರ ಅನುಪಸ್ಥಿತಿಯಲ್ಲಿ ಕಾರ್ಮಿಕರು ಹಿಟಾಚಿ ಬಳಸಿ ಕೆಲಸ ಮಾಡಿದರು. 4ರಿಂದ 5 ಮಂದಿ ಕಾರ್ಮಿಕರು, 2 ಟಿಪ್ಪರ್‌ಗಳು ಕೆಲಸಕಾರ್ಯದಲ್ಲಿ ತೊಡಗಿಕೊಂಡಿದ್ದವು. ಪುತ್ತಿಗೆ, ಭಂಡಾರಿಬೆಟ್ಟುವಿನಲ್ಲಿ ಪಂಪಿಂಗ್‌ ಕಾರ್ಯ ನಡೆಯುತ್ತಿದೆ. ಅಣೆಕಟ್ಟಿನಲ್ಲಿ ಮಂಗಳವಾರ ನೀರಿನ ಮಟ್ಟ 1.80 ಮೀ. ಇದ್ದರೆ ಬುಧವಾರ 1.82 ಮೀ.ನಷ್ಟಿತ್ತು.