ಜಮ್ಮು: ಡಿಜಿಪಿ ನಿವಾಸದಲ್ಲಿ ಗುಂಡು ಹಾರಾಟ; ಪೊಲೀಸ್‌ ಗಂಭೀರ

ಜಮ್ಮು : ಪೊಲೀಸ್‌ ಮಹಾ ನಿರ್ದೇಶಕರ ಅಧಿಕೃತ ನಿವಾಸದಲ್ಲಿ ಇಂದು ನಡೆದ ಫೈರಿಂಗ್‌ನಲ್ಲಿ ಓರ್ವ ಪೊಲೀಸ್‌ ಸಿಬಂದಿ ಗಾಯಗೊಂಡು ಆಸ್ಪತ್ರೆಗೆ ದಾಖಲಾಗಿದ್ದು ಆತನ ಸ್ಥಿತಿ ಗಂಭೀರವಿದೆ ಎಂದು ವರದಿಯಾಗಿದೆ.

ನೌಶೇರಾದವರಾದ ಕಾನ್‌ಸ್ಬೆಬಲ್‌ ಸುಭಾಷ್‌ ಚಂದರ್‌ ತನ್ನ ಮೇಲೆ ತಾನೇ ಗುಂಡು ಹೊಡೆದುಕೊಂಡರೇ ಅಥವಾ ಅವರ ಮೇಲೆ ಬೇರೆ ಯಾರಾದರೂ ಗುಂಡು ಹೊಡೆದರೆ ಎಂಬುದು ಇನ್ನೂ ಗೊತಾಗಿಲ್ಲ. ಇಲ್ಲಿನ ಬಿಕ್ರಮ್‌ ಚೌಕ್‌ ನಲ್ಲಿರುವ ಡಿಜಿಪಿ ಅವರ ಮನೆಯಲ್ಲಿ ಈ ಘಟನೆ ನಡೆದಿದೆ. 

ಡಿಜಿಪಿ ದಿಲ್‌ಬಾಗ್‌ ಸಿಂಗ್‌ ಅವರಿನ್ನೂ ತಮ್ಮ ಈ ಹೊಸ ಅಧಿಕೃತ ನಿವಾಸಕ್ಕೆ ಸ್ಥಳಾಂತರಗೊಂಡಿಲ್ಲ ಎಂದು ಹಿರಿಯ ಪೊಲೀಸ್‌ ಅಧಿಕಾರಿಯೋರ್ವರು ತಿಳಿಸಿದ್ದಾರೆ.