ಕಾಂಗ್ರೆಸ್‌ನವರೇ ಕೌರವರು: ಸಿ.ಟಿ.ರವಿ

ಹಾಸನ: ರಾಜ್ಯದ ಕಾಂಗ್ರೆಸ್‌ ಸರ್ಕಾರ ಗೋಪಾಲಕರ, ಗೋರಕ್ಷಕರ ವಿರುದ್ಧವಿದೆ. ಹಾಗಾಗಿ, ಆ ಪಕ್ಷದಲ್ಲಿ ಶ್ರೀಕೃಷ್ಣನಿಲ್ಲ, ಪಾಂಡವರೂ ಇಲ್ಲ. ಅವರು ಬಿಜೆಪಿಯೊಂದಿಗಿದ್ದಾರೆ. ಕೌರವರು ಕಾಂಗ್ರೆಸ್‌ನಲ್ಲಿದ್ದಾರೆ ಎಂದು ರಾಜ್ಯ ಬಿಜೆಪಿ ಪ್ರಧಾನ ಕಾರ್ಯದರ್ಶಿ ಸಿ.ಟಿ.ರವಿ
ಅವರು ವಿಶ್ಲೇಷಿಸಿದರು.

ನಗರದಲ್ಲಿ ಭಾನುವಾರ ನಡೆದ ಜಿಲ್ಲಾ ಬಿಜೆಪಿ ಕಾರ್ಯಕಾರಿಣಿ ಸಭೆಯಲ್ಲಿ ಮಾತನಾಡಿ, ಮುಂದಿನ ವಿಧಾನಸಭಾ ಚುನಾವಣೆ ರಾಜ್ಯದಲ್ಲಿ ಕೌರವರು- ಪಾಂಡವರ ನಡುವಿನ ಹೋರಾಟ ಎಂಬ ಮುಖ್ಯಮಂತ್ರಿ ಸಿದ್ದರಾಮಯ್ಯ ಹೇಳಿಕೆಯನ್ನು ಒಪ್ಪುತ್ತೇನೆ. ಮುಂಬರುವ ಕುರುಕ್ಷೇತ್ರವೆಂಬ ಚುನಾವಣೆಯಲ್ಲಿ ಪಾಂಡವರಿರುವ ಬಿಜೆಪಿ ಗೆಲ್ಲುತ್ತದೆ. ಕೌರವರ ಪಕ್ಷ ಕಾಂಗ್ರೆಸ್‌ ಸೋಲುತ್ತದೆ ಎಂದರು.