ಮೀ ಟೂ ವಿವಾದ: ಸಚಿವ ಎಂ ಜೆ ಅಕ್‌ಬರ್‌ ರಾಜೀನಾಮೆಗೆ ಕಾಂಗ್ರೆಸ್‌ ಆಗ್ರಹ

ಹೊಸದಿಲ್ಲಿ : ಲೈಂಗಿಕ ಕಿರುಕುಳ, ದೌರ್ಜನ್ಯಗಳ “ಮೀ ಟೂ” ಸುಳಿಗೆ ಸಿಲುಕಿರುವ ಕೇಂದ್ರ ಸಚಿವ ಎಂ ಜೆ ಅಕ್‌ಬರ್‌ ಅವರು ತಮ್ಮ ಸಚಿವ ಪದಕ್ಕೆ ರಾಜೀನಾಮೆ ನೀಡಬೇಕು ಎಂದು ಕಾಂಗ್ರೆಸ್‌ ಆಗ್ರಹಿಸಿದೆ. 

ಅಕ್‌ಬರ್‌ ಅವರು ತಮ್ಮ ವಿರುದ್ಧದ ಮೀ ಟೂ ಲೈಂಗಿಕ ಆರೋಪಗಳ ಬಗ್ಗೆ ತೃಪ್ತಿಕರವಾದ ಉತ್ತರ ನೀಡಬೇಕು ಇಲ್ಲವೇ ತಮ್ಮ ಸಚಿವ ಪದಕ್ಕೆ ರಾಜೀನಾಮೆ ನೀಡಬೇಕು. ನಾವು ಈ ಬಗ್ಗೆ ತನಿಖೆಯನ್ನು ಒತ್ತಾಯಿಸುತ್ತೇವೆ ಎಂದು ಕಾಂಗ್ರೆಸ್‌ ನಾಯಕ ಜೈಪಾಲ್‌ ರೆಡ್ಡಿ ಹೇಳಿದರು. 

ಎಂ ಕೆ ಅಕ್‌ಬರ್‌ ಅವರು ತಮ್ಮ ವಿರುದ್ಧದ ಲೈಂಗಿಕ ಕಿರುಕುಳದ ಆರೋಪದ ಬಗ್ಗೆ ಮೌನವಹಿಸಿದ್ದಾರೆ. ಆದರೆ ಅವರ ಈ ಮೌನವು ಒಂದು ಅಯ್ಕೆ ಅಲ್ಲ; ಇದೊಂದು ಗಂಭೀರ ವಿಷಯ. ಮೌನಿಯಾಗಿರುವ ಮೂಲಕ ಅವರು ತಮ್ಮ ಮೇಲಿನ ಕಳಂಕದಿಂದ ಪಾರಾಗಲಾರರು. ಅವರ ಲೈಂಗಿಕ ಹಗರಣದ ವಿರುದ್ಧ ತನಿಖೆಯಾಗಬೇಕು ಎಂದು ಜೈಪಾಲ್‌ ರೆಡ್ಡಿ ಆಗ್ರಹಿಸಿದರು.