ಮುಂಬಯಿ ವಿಮಾನ ನಿಲ್ದಾಣದಲ್ಲಿ ಕಂಪ್ಯೂಟರ್‌ ವ್ಯವಸ್ಥೆ ವಿಫ‌ಲ, ಅಡಚಣೆ

ಮುಂಬಯಿ : ಇಲ್ಲಿನ ಛತ್ರಪತಿ ಶಿವಾಜಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಇಂದು ಮಂಗಳವಾರ ಕಂಪ್ಯೂಟರ್‌ ವ್ಯವಸ್ಥೆ ವಿಫ‌ಲವಾಗುವುದರೊಂದಿಗೆ ಭಾರೀ ಅಡಚಣೆಗಳು ಎದುರಾದವು. 

ಕಂಪ್ಯೂಟರ್‌ ವ್ಯವಸ್ಥೆಯ ವೈಫ‌ಲ್ಯದಿಂದಾಗಿ ಚೆಕ್‌ ಇನ್‌ ಪ್ರಕ್ರಿಯೆಗಳನ್ನು ಕೈಯಾರೆ ಮಾಡಬೇಕಾಯಿತು. 

ಕಂಪ್ಯೂಟರ್‌ ವೈಫ‌ಲ್ಯಕ್ಕೆ ಕಾರಣವೇನೆಂದು ತತ್‌ಕ್ಷಣಕ್ಕೆ ಗೊತ್ತಾಗಿಲ್ಲ. ಅದನ್ನೀಗ ಪರೀಕ್ಷಿಸಲಾಗುತ್ತಿದೆ. ಬೇಗನೆ ವಿಮಾನ ನಿಲ್ದಾಣದ ಕೆಲಸ ಕಾರ್ಯಗಳು ಮಾಮೂಲಿಗೆ ಮರಳಲಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.

ಮುಂಬಯಿ ವಿಮಾನ ನಿಲ್ದಾಣ ದೇಶದಲ್ಲಿ ಮಾತ್ರವಲ್ಲ ಇಡಿಯ ಜಗತ್ತಿನಲ್ಲೇ ಅತ್ಯಂತ ನಿಬಿಡ ವಿಮಾನ ನಿಲ್ದಾಣಗಳಲ್ಲಿ ಒಂದಾಗಿದೆ. ವಿಶ್ವದ ಅತ್ಯುತ್ತಮ ವಿಮಾನ ನಿಲ್ದಾಣಗಳಲ್ಲಿ ಒಂದೆಂಬ ಖ್ಯಾತಿ ಹೊಂದಿರುವ ಇಲ್ಲಿ  ವರ್ಷಂಪ್ರತಿ 4.50  ಕೋಟಿ ಪ್ರಯಾಣಿಕರನ್ನುನಿರ್ವಹಿಸಲಾಗುತ್ತದೆ.