Compliant: ಈಶಾ ಸಂಸ್ಥೆಯಲ್ಲಿ ಮಗನಿಗೆ ಲೈಂಗಿಕ ದೌರ್ಜನ್ಯ: ದಂಪತಿ ಆರೋಪ

ಹೈದರಾಬಾದ್‌: ಸದ್ಗುರು ವಾಸುದೇವ್‌ ಅವರ ಈಶಾ ಫೌಂಡೇಶನ್‌ ಶಾಲೆಯಲ್ಲಿ ಮಗನಿಗೆ ಲೈಂಗಿಕ ಕಿರುಕುಳ ನೀಡಲಾಗಿದೆ ಎಂದು ಆಂಧ್ರಪ್ರದೇಶ ಮೂಲದ ಪೋಷಕರು ಆರೋಪಿಸಿದ್ದಾರೆ.

ಈಶ ಸಂಸ್ಥೆಯು ಯಾವುದೇ ವ್ಯವಸ್ಥೆಗೆ ಒಳಪಡದೆ ನಿರಂಕುಶವಾಗಿ ನಡೆಯುತ್ತಿದೆ. 3 ವರ್ಷಗಳಿಂದ ಶಾಲೆಯಲ್ಲಿ ಓದುತ್ತಿರುವ ತಮ್ಮ ಪುತ್ರನಿಗೆ ಬಾಲಕನೊಬ್ಬ ಲೈಂಗಿಕ ಕಿರುಕುಳ ನೀಡಿದ್ದಾನೆ. ಈ ಕುರಿತು ನಾವು ದೂರಿತ್ತರೂ ಆಡಳಿತ ಮಂಡಳಿ ಕ್ರಮ ವಹಿಸಿಲ್ಲ ಎಂದು ಪೋಷಕರು ದೂರಿದ್ದಾರೆ.

ಅನೇಕ ಮಕ್ಕಳ ಸಾವನ್ನು ಮುಚ್ಚಿಡಲಾಗಿದೆ ಎಂದು ಅಮೆರಿಕದಿಂದ ವಾಪಸಾಗಿರುವ ದಂಪತಿ ಕಿಡಿಕಾರಿದ್ದಾರೆ. ಆರೋಪಗಳನ್ನು ತಿರಸ್ಕರಿಸಿರುವ ಈಶಾ ಫೌಂಡೇಷನ್‌ ಇವೆಲ್ಲವೂ ಆಧಾರರಹಿತ ಸುಳ್ಳು ಆರೋಪಗಳಾಗಿವೆ ಎಂದು ಹೇಳಿಕೊಂಡಿದೆ.