ಅಂಕಲಿಯಲ್ಲಿ ಜೋಡೆತ್ತಿನ ಗಾಡಿ ಸ್ಪರ್ಧೆ

ಚಿಕ್ಕೋಡಿ: ತಾಲೂಕಿನ ಅಂಕಲಿ ಗ್ರಾಮದ ಸಿದ್ಧೇಶ್ವರ ಜಾತ್ರೆ ನಿಮಿತ್ತ ಏರ್ಪಡಿಸಿದ್ದ ಅಂತರರಾಜ್ಯ ಮಟ್ಟದ ಜೋಡೆತ್ತಿನ ಗಾಡಿ ಸ್ಪರ್ಧೆಯಲ್ಲಿ ನೆರೆಯ ಮಹಾರಾಷ್ಟ್ರದ ದಾನೋಳಿ ಗ್ರಾಮದ ಅಮೋಲ ಪವಾರ ಎಂಬುವರ ಎತ್ತಿನಗಾಡಿ ಪ್ರಥಮ ಸ್ಥಾನ ಪಡೆದು ನಗದು ಬಹುಮಾನ ಪಡೆದರು.

ಅಂಕಲಿಯ ಮಹಾದೇವ ಮಗದುಮ್‌ ದ್ವಿತೀಯ ಮತ್ತು ಶರದ ಪಾಟೀಲ ಬೇಡಗ (ಮಹಾರಾಷ್ಟ್ರ) ಎತ್ತಿನಗಾಡಿ ತೃತೀಯ ಬಹುಮಾನ ಪಡೆದುಕೊಂಡರು. ಕುದುರೆಗಾಡಿ ಶರ್ಯತ್ತಿನಲ್ಲಿ ಅಣ್ಣಾಸಾಹೇಬ ಬಾಕಳೆ ಯಕ್ಸಂಬಾ ಪ್ರಥಮ, ರಾಮಪ್ಪಾಖೋತ ಸುಟ್ಟಟ್ಟಿ ದ್ವಿತೀಯ ಮತ್ತು ಮಾರುತಿ ಬಬಲೇಶ್ವರದಂಡಾಪೂರ ತೃತೀಯ ಬಹುಮಾನ ಪಡೆದುಕೊಂಡರು.

ಕುದುರೆ ಶರ್ಯತ್ತಿನಲ್ಲಿ ಶಾರುಖ ಮುಲ್ಲಾ ಅಂಕಲಿ ಪ್ರಥಮ, ಕುಮಾರ ಪೂಜಾರಿ ಚಿಂಚಲಿ ದ್ವಿತೀಯ, ಸಾಗರ ಮನಗುತ್ತೆ ಅಂಕಲಿ ತೃತೀಯ ಮತ್ತು ರಾಜು ಹುಕ್ಕೇರಿ ಅಲಕನೂರ ನಾಲ್ಕನೇ ಬಹುಮಾನ ಪಡೆದುಕೊಂಡರು. ವಿಜೇತರಿಗೆ ಕಮಿಟಿ ಸದಸ್ಯರು ಬಹುಮಾನ ವಿತರಿಸಿದರು.