Compensation: ವಿಮಾನ ಅಪಘಾತದಲ್ಲಿ ಸತ್ತರೆ 1.7 ಕೋಟಿ ರೂ. ಪರಿಹಾರ

ಮುಂಬಯಿ: ಅಂತಾರಾಷ್ಟ್ರೀಯ ವಿಮಾನ ಪ್ರಯಾಣಿಕರಿಗೆ ವಿಮಾನ ಯಾನದಲ್ಲಿ ತೊಂದರೆ ಉಂಟಾದರೆ ನೀಡುವ ಪರಿಹಾರ ಮೊತ್ತವನ್ನುಐಸಿಒಎ ಹೆಚ್ಚಳ ಮಾಡಿದೆ. ಇದರ ಪ್ರಕಾರ ವಿಮಾನ ಅಪಘಾತದಿಂದ ಅಂತಾ­­ರಾಷ್ಟ್ರೀಯ ಪ್ರಯಾಣಿಕರು ಮೃತಪಟ್ಟರೆ 1.7 ಕೋಟಿ ರೂ. ಪರಿಹಾರ ನೀಡಲಾಗುತ್ತದೆ.

ಅಪಘಾತ ಅಷ್ಟೇ ಅಲ್ಲದೇ ಗಾಯ, ವಿಮಾನ ವಿಳಂಬ, ಲಗೇಜ್‌ ವಿಳಂಬ ಅಥವಾ ಕಳೆದುಹೋಗುವಂತಹ ಪ್ರಕರಣಗಳಿಗೂ ಪರಿಹಾರ ಮೊತ್ತ ಹೆಚ್ಚಳ ಮಾಡಲಾಗಿದೆ. ಈ ಮೊದಲು ಸಾವು ಅಥವಾ ಗಾಯಗೊಂಡರೆ 1.4 ಕೋಟಿ ರೂ. ನೀಡಬೇಕಿತ್ತು. ಇದರನ್ನು 1.7 ಕೋಟಿ ರೂ.ಗೆ ಏರಿಕೆ ಮಾಡಲಾಗಿದೆ. ವಿಮಾನ ತಡವಾದರೆ 6 ಲಕ್ಷ ರೂ. ಬದಲು ಇನ್ಮುಂದೆ 7 ಲಕ್ಷ ರೂ. ನೀಡಬೇಕಾಗುತ್ತದೆ.

ಬ್ಯಾಗ್‌ಗಳು ತಡವಾದರೆ ಅಥವಾ ಹಾನಿಯಾದರೆ 1.4 ಲಕ್ಷ ರೂ. ಬದಲು 1.7 ಲಕ್ಷ ರೂ. ಹಾಗೂ ಸರಕು ಕಳೆದು ಹೋದರೆ ಪ್ರತಿ ಕೆ.ಜಿ.ಗೆ 2900 ರೂ. ನೀಡಬೇಕು. ಈ ಹೊಸ ನಿಯಮ ಡಿ.28ರಂದು ಜಾರಿಯಾಗಲಿದ್ದು, ಭಾರತದಿಂದ ಪ್ರಯಾಣಿಸುವ ಹಾಗೂ ಅಂತಾರಾಷ್ಟ್ರೀಯ ಪ್ರಯಾಣಿಕರಿಗೆ ಅನ್ವಯವಾಗುತ್ತದೆ ಎಂದು ಐಸಿಒಎ ತಿಳಿಸಿದೆ.