Advertisement

ಕಾಮನ್ವೆಲ್ತ್ ಗೇಮ್ಸ್ 2022: ಪ್ಯಾರಾ ಟಿಟಿ; ಬಂಗಾರ ತರಬಹುದೇ ಭವಿನಾ ಪಟೇಲ್‌?

09:06 PM Aug 05, 2022 | Team Udayavani |

ಬರ್ಮಿಂಗ್‌ಹ್ಯಾಮ್‌: ಪ್ಯಾರಾ ಟಿಟಿಪಟು ಭವಿನಾ ಪಟೇಲ್‌ ಕ್ಲಾಸ್‌ 3-5 ವಿಭಾಗದಲ್ಲಿ ಫೈನಲ್‌ ತಲುಪಿದ್ದು, ಬಂಗಾರದ ನಿರೀಕ್ಷೆ ಮೂಡಿಸಿದ್ದಾರೆ.

Advertisement

ಗುಜರಾತ್‌ನ 35 ವರ್ಷದ ಭವಿನಾ ಪಟೇಲ್‌ ಶುಕ್ರವಾರದ ಸೆಮಿಫೈನಲ್‌ನಲ್ಲಿ ಇಂಗ್ಲೆಂಡ್‌ನ‌ ಸೇ ಬೈಲಿ ವಿರುದ್ಧ 11-6, 11-6, 11-6 ಅಂತರದ ಗೆಲುವು ಒಲಿಸಿಕೊಂಡರು.

ಶನಿವಾರ ಫೈನಲ್‌ ನಡೆಯಲಿದ್ದು, ಇಲ್ಲಿ ನೈಜೀರಿಯದ ಕ್ರಿಸ್ಟಿಯಾನಾ ಇಕೆ³ಯೋಯಿ ವಿರುದ್ಧ ಸೆಣಸಲಿದ್ದಾರೆ.

ಸೋನಾಲ್‌ಗೆ ಸೋಲು: ವನಿತಾ ವಿಭಾಗದ ಮತ್ತೋರ್ವ ಸ್ಪರ್ಧಿ ಸೋನಾಲ್‌ಬೆನ್‌ ಪಟೇಲ್‌ ಸೆಮಿಫೈನಲ್‌ನಲ್ಲಿ ಸೋಲು ಕಂಡರು. ಇವರನ್ನು ಸೋಲಿಸಿದವರು ಬೇರೆ ಯಾರೂ ಅಲ್ಲ, ಭವಿನಾ ಅವರ ಫೈನಲ್‌ ಎದುರಾಳಿಯಾಗಿರುವ ಕ್ರಿಸ್ಟಿಯಾನಾ. ಅಂತರ 11-8, 6-11, 4-11, 7-11. ಇಲ್ಲವಾದರೆ ಭವಿನಾ ಪಟೇಲ್‌-ಸೋನಾಲ್‌ಬೆನ್‌ ಪಟೇಲ್‌ ಮುಖಾಮುಖಿ ಆಗುತ್ತಿದ್ದರು. ಸೋನಾಲ್‌ಬೆನ್‌ ಪಟೇಲ್‌ ಅವರಿನ್ನು ಕಂಚಿಗಾಗಿ ಸೇ ಬೈಲಿ ವಿರುದ್ಧ ಸ್ಪರ್ಧಿಸಲಿದ್ದಾರೆ.

ಅರವಿಂದನ್‌ ಪರಾಭವ: ಪುರುಷರ ಸಿಂಗಲ್ಸ್‌ನಲ್ಲಿ ರಾಜ್‌ ಅರವಿಂದನ್‌ ಕೂಡ ಸೋಲನುಭವಿಸಿದರು. ಇವರೆದುರು ನೈಜೀರಿಯಾದ ನಾಸಿರು ಸುಲೆ 7-11, 11-8, 11-4, 11-7 ಅಂತರದಿಂದ ಗೆದ್ದು ಬಂದರು. ಕಂಚಿನ ಸ್ಪರ್ಧೆಯಲ್ಲಿ ರಾಜ್‌ ಅರವಿಂದನ್‌ ಎದುರಾಳಿ ನೈಜೀರಿಯದ ಇಸವು ಒಗುಂಕುನ್ಲ.

Advertisement

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next