ಶೀಘ್ರ ರಕ್ಷಣಾ ಇಲಾಖೆಗೆ ಸೈಬರ್‌, ಸ್ಪೇಸ್‌ ಏಜೆನ್ಸಿ

ಹೊಸದಿಲ್ಲಿ: ಸದ್ಯದಲ್ಲೇ ದೇಶದ ರಕ್ಷಣಾ ಸಚಿವಾಲಯವು ಸೈಬರ್‌ ಯುದ್ಧ, ಬಾಹ್ಯಾಕಾಶ ಮತ್ತು ವಿಶೇಷ ಕಾರ್ಯಾಚರಣೆ ಕ್ಷೇತ್ರಗಳಲ್ಲಿ ಮೂರು ಹೊಸ ಸೇವಾ ಸಂಸ್ಥೆಗಳನ್ನು ತನ್ನದಾಗಿಸಿಕೊಳ್ಳಲಿದೆ. 

5 ವರ್ಷಗಳ ಹಿಂದೆಯೇ ಸಶಸ್ತ್ರ ಪಡೆಯು ಇಂಥ ಪ್ರಸ್ತಾಪವನ್ನು ಸರಕಾರದ ಮುಂದಿಟ್ಟಿತ್ತು. ಕೆಲವೇ ತಿಂಗಳುಗಳಲ್ಲಿ ಇದಕ್ಕೆ ಒಪ್ಪಿಗೆ ಸಿಗುವ ನಿರೀಕ್ಷೆಯಿದ್ದು, ತದನಂತರ ರಕ್ಷಣಾ ಸೈಬರ್‌ ಏಜೆನ್ಸಿ, ರಕ್ಷಣಾ ಬಾಹ್ಯಾಕಾಶ ಏಜೆನ್ಸಿ ಹಾಗೂ ವಿಶೇಷ ಕಾರ್ಯಾಚರಣೆ ವಿಭಾಗವು ಸ್ಥಾಪನೆಯಾಗಲಿದೆ. ಸೈಬರ್‌ ವಿಭಾಗವು ಸೇನಾ ಮೂಲಸೌಕರ್ಯಗಳ ರಕ್ಷಣೆಯ ಜವಾಬ್ದಾರಿ ಹೊತ್ತರೆ, ಬಾಹ್ಯಾಕಾಶ ವಿಭಾಗವು ಇಸ್ರೋ ಮತ್ತು ಡಿಆರ್‌ಡಿಒ ಜತೆಗೂಡಿ ಬಾಹ್ಯಾಕಾಶ ಸಂಪನ್ಮೂಲಗಳ ಸದ್ಬಳಕೆಯತ್ತ ಗಮನ ಹರಿಸಲಿವೆ.