ಭಾರತದಿಂದ ಹೊರಟು ಬನ್ನಿ: ಚೀನ ನಿರ್ದೇಶನ

ಭಾರತದಲ್ಲಿರುವ ತಮ್ಮ ಪ್ರಜೆಗಳನ್ನು ತವರಿಗೆ ವಾಪಸ್‌ ಕರೆಸಿಕೊಳ್ಳಲು ಚೀನ ನಿರ್ಧರಿಸಿದೆ. ಈ ಬಗ್ಗೆ ಹೊಸದಿಲ್ಲಿಯಲ್ಲಿರುವ ಚೀನ ರಾಯಭಾರ ಕಚೇರಿ ಸೋಮವಾರ ಪ್ರಕಟಣೆ ನೀಡಿದೆ. ದೇಶದಲ್ಲಿ ತೊಂದರೆಗೆ ಸಿಲುಕಿರುವ ವಿದ್ಯಾರ್ಥಿಗಳು, ವ್ಯಾಪಾರಿಗಳು, ಪ್ರವಾಸಿಗರು ಸೇರಿದಂತೆ ತಮ್ಮ ಪ್ರಜೆಗಳು ವಾಪಸ್‌ ಹಿಂತಿರುಗಲು ವಿಶೇಷ ವಿಮಾನಗಳನ್ನು ಕಾಯ್ದಿರಿಸಿ ಎಂದು ಸಲಹೆ ಮಾಡಲಾಗಿದೆ. ತವರಿಗೆ ಮರಳಿದಾಗ ಕ್ವಾರಂಟೈನ್‌ಗೆ ಒಳಪಡಬೇಕು ಎಂದು ತಿಳಿಸಿದೆ.

ಮತ್ತೆ 51 ಕೇಸು: ಈ ನಡುವೆ ಚೀನದಲ್ಲಿ ಹೊಸದಾಗಿ 51 ಕೇಸುಗಳು ದೃಢಪಟ್ಟಿವೆ. ಈ ಪೈಕಿ ಹೆಚ್ಚಿನ ಪ್ರಕರಣಗಳು ವುಹಾನ್‌ನಲ್ಲಿಯೇ ಇವೆ. ಹೊಸ ಕೇಸುಗಳ ಪೈಕಿ 40 ಲಕ್ಷಣ ರಹಿತದ್ದು ಎಂದು ಅಲ್ಲಿನ ರಾಷ್ಟ್ರೀಯ ಆರೋಗ್ಯ ಆಯೋಗ ತಿಳಿಸಿದೆ.