ಮೌಂಟ್‌ ಮೌಂಗನುಯಿ: ಆರಂಭಿಕ ಆಟಗಾರ ಕಾಲಿನ್‌ ಮನ್ರೊ ಅವರ ವಿಶ್ವದಾಖಲೆ ಶತಕದಿಂದಾಗಿ ನ್ಯೂಜಿಲೆಂಡ್ ತಂಡವು ವೆಸ್ಟ್‌ಇಂಡೀಸ್‌ ವಿರುದ್ಧ ನಡೆದ 3ನೇ ಟಿ20 ಪಂದ್ಯದಲ್ಲಿ 119 ರನ್ನುಗಳಿಂದ ಭರ್ಜರಿ ಗೆಲುವು ದಾಖಲಿಸಿದೆ. ಈ ಮೂಲಕ ಮೂರು ಪಂದ್ಯಗಳ ಸರಣಿಯನ್ನು 2-0 ಅಂತರದಿಂದ ಗೆದ್ದುಕೊಂಡಿದೆ. ಸರಣಿಯ ದ್ವಿತೀಯ ಪಂದ್ಯದಲ್ಲಿ ಯಾವುದೇ ಫ‌ಲಿತಾಂಶ ಬಂದಿರಲಿಲ್ಲ.
ಅಂತಾರಾಷ್ಟ್ರೀಯ ಟಿ20ಯಲ್ಲಿ 3 ಶತಕ ಬಾರಿಸಿದ ಏಕೈಕ ಆಟಗಾರ ಕಿವೀಸ್‌ನ ಎನಿಸಿಕೊಂಡಿದ್ದಾರೆ. ಸರಣಿಯ ಮೊದಲೆರಡು ಪಂದ್ಯಗಳಲ್ಲಿ ಅರ್ಧಶತಕ ಹೊಡೆದಿದ್ದ ಮನ್ರೊ ಈ ಪಂದ್ಯದಲ್ಲಿ ಕೇವಲ 53 ಎಸೆತಗಳಿಂದ 104 ರನ್‌ ಚಚ್ಚಿದರು.
ಸಂಕ್ಷಿಪ್ತ ಸ್ಕೋರು: ನ್ಯೂಜಿಲೆಂಡ್ 243 /5 (ಮನ್ರೊ 104, ಗಪ್ಟಿಲ್‌ 63, ಬ್ರಾಥ್‌ ವೇಟ್‌ 50ಕ್ಕೆ 2), ವೆಸ್ಟ್‌ಇಂಡೀಸ್‌ 124
ಆಲೌಟ್‌ (ಆಂಡ್ರೆ ಫ್ಲೆಚರ್‌ 46, ಟಿಮ್‌ ಸೌಥಿ 21ಕ್ಕೆ 3, ಟ್ರೆಂಟ್‌ ಬೌಲ್ಟ್ 29ಕ್ಕೆ 2).
