Advertisement
“ಕ್ರಿಕೆಟಿಗರಾಗಿ ನಮ್ಮಿಬ್ಬರಿಗೆ (ಹಾರ್ದಿಕ್‌ ಪಾಂಡ್ಯ, ಕೆ.ಎಲ್‌. ರಾಹುಲ್‌) ಏನಾಗುತ್ತಿದೆಯೆಂದೇ ತಿಳಿಯಲಿಲ್ಲ. ಚೆಂಡು ನಮ್ಮ ಅಂಗಳದಲ್ಲಿರಲಿಲ್ಲ. ಅದು ಬೇರೊಬ್ಬರ ಬಳಿಯಿತ್ತು. ಅದನ್ನು ಅವರೇ ನಿಭಾಯಿಸುತ್ತಿದ್ದರು. ಅದೊಂದು ಅಸಹ್ಯ ಜಾಗ, ಅಲ್ಲಿರಲು ನೀವು ಖಂಡಿತ ಬಯಸುವುದಿಲ್ಲ’ ಎಂದು ಕಿಡಿಕಾರಿದ್ದಾರೆ.
ಕಳೆದ ವರ್ಷ ರಾಹುಲ್‌ ಮತ್ತು ಪಾಂಡ್ಯ, ಖ್ಯಾತ ನಿರ್ದೇಶಕ ಕರಣ್‌ ಜೋಹರ್‌ ನಡೆಸಿಕೊಡುವ “ಕಾಫಿ ವಿತ್‌ ಕರಣ್‌’ ಟೀವಿ ಶೋನಲ್ಲಿ ಭಾಗವಹಿಸಿದ್ದರು. ಆ ವೇಳೆ ಕರಣ್‌ ಕೇಳಿದ ಪ್ರಶ್ನೆಗಳಿಗೆ ಪಾಂಡ್ಯ ಮುಲಾಜಿಲ್ಲದೆ ಉತ್ತರಿಸಿದ್ದರು. ತನಗೆ ಅನೇಕ ವಿವಾಹೇತರ ಸಂಬಂಧಗಳಿವೆ, ಅವೆಲ್ಲ ಪೋಷಕರಿಗೂ ಗೊತ್ತು ಎಂದಿದ್ದರು. ಸ್ತ್ರೀಯರ ಬಗ್ಗೆಯೂ ಅಸಭ್ಯವಾಗಿ ಪ್ರತಿಕ್ರಿಯಿಸಿದ್ದರು. ಇದು ಭಾರೀ ವಿವಾದಕ್ಕೆ ಕಾರಣವಾಗಿತ್ತು. ಪರಿಣಾಮ ರಾಹುಲ್‌ ಮತ್ತು ಹಾರ್ದಿಕ್‌ ಇಬ್ಬರಿಗೂ ನಿಷೇಧ ಹೇರಿ, ಆಸ್ಟ್ರೇಲಿಯ ಪ್ರವಾಸದ ಮಧ್ಯದಲ್ಲೇ ಭಾರತಕ್ಕೆ ಕರೆಸಿಕೊಳ್ಳಲಾಗಿತ್ತು.