ಉಪಚುನಾವಣೆಗೆ ನಾಳೆಯಿಂದ ನೀತಿಸಂಹಿತೆ ಜಾರಿ: ಈ ಬಾರಿಯ ವಿಶೇಷವೇನು ಗೊತ್ತಾ?

ಬೆಂಗಳೂರು: ಡಿಸೆಂಬರ್ 5 ರಂದು ನಡೆಯಲಿರುವ ಉಪಚುನಾವಣೆಗೆ ನಾಳೆಯಿಂದಲೇ ನೀತಿ ಸಂಹಿತೆ ಜಾರಿಗೆ ಬರಲಿದೆ ಎಂದು ರಾಜ್ಯದ ಮುಖ್ಯ ಚುನಾವಣಾ ಅಧಿಕಾರಿ ಸಂಜೀವ್ ಕುಮಾರ್ ಹೇಳಿದರು.

ಭಾನುವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಸಂಜೀವ್ ಕುಮಾರ್, ಈ ಬಾರಿ ನೀತಿ ಸಂಹಿತೆ ಪೂರ್ತಿ ಜಿಲ್ಲೆಗೆ ಅನ್ವಯಿಸುವುದಿಲ್ಲ. ಆಯಾ ಕ್ಷೇತ್ರಗಳಿಗೆ ಮಾತ್ರ ಅನ್ವಯಿಸುತ್ತದೆ ಎಂದರು.

ಈ ಬಾರಿಯ ಚುನಾವಣೆಗೆ ಸುಧಾರಿತ ಮತಯಂತ್ರಗಳನ್ನು ಉಪಯೋಗಿಸಲಾಗುತ್ತದೆ. 2018ರಲ್ಲಿ ಬೆಂಗಳೂರು ಸೆಂಟ್ರಲ್ ಕ್ಷೇತ್ರದಲ್ಲಿ ಬಳಸಲಾಗಿದ್ದ ಎಂ3 ಮತಯಂತ್ರವನ್ನು ಈ ಬಾರಿ ಉಪಚುನಾವಣೆಗೆ ಬಳಸಲಾಗುತ್ತದೆ ಎಂದರು.