ಒಲಿಂಪಿಯನ್ಸ್‌ಗೆ ಕೋಚ್‌ ಹುದ್ದೆ

ಹೊಸದಿಲ್ಲಿ: ಕರ್ನಾಟಕದ ಖ್ಯಾತ ಆ್ಯತ್ಲೀಟ್‌ ಅಶ್ವಿ‌ನಿ ಅಕ್ಕುಂಜೆ ಸಹಿತ 11 ಮಂದಿ ಒಲಿಂಪಿಯನ್ಸ್‌ ಹಾಗೂ ಮೂವರು ಪ್ಯಾರಾ ಆ್ಯತ್ಲೀಟ್‌ಗಳಿಗೆ ಭಾರತೀಯ ಕ್ರೀಡಾ ಪ್ರಾಧಿಕಾರ (ಸಾಯ್‌) ಕೋಚ್‌ ಹಾಗೂ ಸಹಾಯಕ ಕೋಚ್‌ ಹುದ್ದೆ ನೀಡಿದೆ. 

ಆ್ಯತ್ಲೀಟ್‌ಗಳಾದ ಮೊಹಮ್ಮದ್‌ ಅನಾಸ್‌, ಒ.ಪಿ. ಜೈಶಾ, ಹಾಕಿಪಟು ಸವಿತಾ ಪೂನಿಯಾ, ಪ್ಯಾರಾಲಿಂಪಿಕ್ಸ್‌ ತಾರೆ ಶರತ್‌ ಕುಮಾರ್‌, ಅಂಕುರ್‌ ಧರ್ಮ ಈ ಹುದ್ಧೆ ಪಡೆದ ಪ್ರಮುಖರು. ಪ್ಯಾರಾಲಿಂಪಿಕ್ಸ್‌ ಚಿನ್ನದ ಪದಕ ವಿಜೇತ ಮರಿಯಪ್ಪನ್‌ ತಂಗವೇಲು ಅವರಿಗೆ “ಎ’ ದರ್ಜೆ ನೌಕರಿ ನೀಡಲಾಗಿದೆ. ಪ್ರತಿಭಾವಂತ ಕ್ರೀಡಾಪಟುಗಳಿಗೆ ಆರ್ಥಿಕ ಭದ್ರತೆ ಒದಗಿಸುವ ನಿಟ್ಟಿನಲ್ಲಿ ಈ ಹೆಜ್ಜೆ ಇಡಲಾಗಿದೆ ಎಂದು ಸಾಯ್‌ ಪ್ರಕಟನೆಯಲ್ಲಿ ತಿಳಿಸಿದೆ.