CM Marathon: ಎರಡು ಗಂಟೆಯಲ್ಲಿ 21 ಕಿ.ಮೀ. ದೂರ ಓಡಿದ ಕಾಶ್ಮೀರ ಸಿಎಂ ಒಮರ್‌!

ಶ್ರೀನಗರ: 13 ದೇಶಗಳನ್ನು ಪ್ರತಿನಿಧಿಸುವ 2,000 ಆ್ಯತ್ಲೀಟ್‌ಗಳು ಭಾಗಿಯಾಗಿದ್ದ ಕಾಶ್ಮೀರ್‌ ಮ್ಯಾರಥಾನ್‌ ಕಾರ್ಯಕ್ರಮಕ್ಕೆ ಜಮ್ಮು-ಕಾಶ್ಮೀರ ಮುಖ್ಯಮಂತ್ರಿ ಒಮರ್‌ ಅಬ್ದುಲ್ಲಾ ರವಿವಾರ ಚಾಲನೆ ನೀಡಿದ್ದಾರೆ. ತಾವೂ ಮ್ಯಾರಥಾನ್‌ನಲ್ಲಿ ಭಾಗವಹಿಸಿ 21 ಕಿ.ಮೀ.ದೂರವನ್ನು 2 ಗಂಟೆಯಲ್ಲಿ ಕ್ರಮಿಸಿದ್ದಾರೆ.

ಈ ಬಗ್ಗೆ ವೀಡಿಯೋ ಹಂಚಿಕೊಂಡಿರುವ ಒಮರ್‌ “ನಾನು ಎಂದಿಗೂ ಜೀವನದಲ್ಲಿ ಒಂದೇ ಬಾರಿಗೆ 13 ಕಿ.ಮೀ.ಗಿಂತ ಹೆಚ್ಚಿಗೆ ಓಡಿದವನೇ ಅಲ್ಲ. ಆದರೆ ಈ ಬಾರಿ ತರಬೇತಿ ಇಲ್ಲದೆ 2 ಗಂಟೆಗೆ 21 ಕಿ.ಮೀ. ಕ್ರಮಿಸಿದ್ದೇನೆ. ನನ್ನಂಥ ಹವ್ಯಾಸಿ ಹೋರಾಟಗಾರರ ಉತ್ಸಾಹ, ಆ್ಯತ್ಲೀಟ್‌ಗಳ ಪ್ರೋತ್ಸಾಹದಿಂದ ಇದು ಸಾಧ್ಯವಾಗಿದೆ’ ಎಂದಿದ್ದಾರೆ.

ಕಾಶ್ಮೀರವು ಅಂತಾರಾಷ್ಟ್ರೀಯ ಮಟ್ಟದ ಕಾರ್ಯಕ್ರಮಗಳನ್ನು ಆಯೋಜಿಸುವಷ್ಟು ಶಾಂತಿಯುತವಾಗಿದೆ ಎಂಬ ಸಂದೇಶ ನೀಡಲು ಪ್ರವಾಸೋದ್ಯಮ ಇಲಾಖೆ ಕಾರ್ಯಕ್ರಮ ಆಯೋಜಿಸಿದ್ದಾಗಿ ಹೇಳಿದೆ.