ಯೆಮೆನ್‌ ಹೊರವಲಯದ ಹೊದೈದಾದಲ್ಲಿ ಭೀಕರ ಕಾಳಗ: 39 ಸಾವು

ಅಲ್‌ ದುರೈಹಿಮಿ, ಯೆಮೆನ್‌ : ಬಂಡುಕೋರರ ವಶದಲ್ಲಿರುವ ಹೊದೈದಾ ಮುಖ್ಯ ಪಟ್ಟಣವನ್ನು ಮತ್ತೆ ವಶಪಡಿಸಿಕೊಳ್ಳುವ ಸೌದಿ ಮತ್ತು ಯುಎಇ ಬೆಂಬಲಿತ ಎರಡನೇ ದಿನದ ಇಂದಿನ ಸಂಘರ್ಷದಲ್ಲಿ 39 ಹೋರಾಟಗಾರರು ಹತರಾಗಿರುವುದಾಗಿ ವರದಿಯಗಿದೆ. 

ಯಮೆನ್‌ ನ ಇರಾನ್‌ ಬೆಂಬಲಿತ ಹುತಿ ಬಂಡುಕೋರರು ಈ ಭೀಕರ ಕಾಳಗದಲ್ಲಿ ತನ್ನ 30 ಮಂದಿ ಹೋರಾಟಗಾರರನ್ನು ಕಳೆದುಕೊಂಡಿದೆ. ಈ ಕಾಳಗವು ಹೊದೈದಾ ನಗರದ ದಕ್ಷಿಣ ಭಾಗದಲ್ಲಿರುವ ವಿಮಾನ ನಿಲ್ದಾಣದಿಂದ ಎರಡು ಕಿಮೀ. ದೂರದಲ್ಲಿ ನಡೆದಿದೆ. 

ಇದೇ ಪ್ರದೇಶದಲ್ಲಿ ಸರಕಾರದ 9 ಮಂದಿ ಸೈನಿಕರು ಕೂಡ ಹತರಾಗಿರುವುದಾಗಿ ವರದಿಯಾಗಿದೆ. ಹೊಂಚು ದಾಳಿ ಮತ್ತು ನೆಲ ಬಾಂಬಿನಿಂದಾಗಿ ಈ ಸಾವುಗಳು ಸಂಭವಿಸಿರುವುದಾಗಿ ವರದಿಗಳು ತಿಳಿಸಿವೆ.