ಸಿ.ಕೆ.ನಾಯ್ಡು ಟ್ರೋಫಿ: ಅರ್ಮಾನ್‌ ಜಾಫ‌ರ್‌ ತ್ರಿಶತಕ

ಮುಂಬೈ: ಇಲ್ಲಿ ನಡೆಯುತ್ತಿರುವ ಸಿ.ಕೆ.ನಾಯ್ಡು ಟ್ರೋಫಿ ಕ್ರಿಕೆಟ್‌ ಕೂಟದ ಸೌರಾಷ್ಟ್ರ ವಿರುದ್ಧದ ಪಂದ್ಯದಲ್ಲಿ ಮುಂಬೈ ಬ್ಯಾಟ್ಸ್‌ಮನ್‌ ಅರ್ಮಾನ್‌ ಜಾಫ‌ರ್‌ ತ್ರಿಶತಕ ಬಾರಿಸಿದ್ದಾರೆ. 

ವಾಂಖೇಡೆ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಜಾಫ‌ರ್‌ 26 ಬೌಂಡರಿ ಹಾಗೂ 10 ಸಿಕ್ಸರ್‌ ಸಿಡಿಸಿದರು. ಒಟ್ಟಾರೆ 367 ಎಸೆತ ಎದುರಿಸಿದ ಅರ್ಮಾನ್‌ ಜಾಫ‌ರ್‌ ಅಜೇಯ 300 ರನ್‌ ಸಿಡಿಸಿ ಮಿಂಚಿದರು. 

ಮೂರನೇ ವಿಕೆಟ್‌ಗೆ ಆರಂಭಿಕ ಬ್ಯಾಟ್ಸ್‌ಮನ್‌ ರುದ್ರ ದಾಂಡೆ ಜತೆ ಸೇರಿಕೊಂಡು 281 ರನ್‌ ಜತೆಯಾಟ ನಿರ್ವಹಿಸಿರುವುದು ವಿಶೇಷ. ಮೂರು ರಣಜಿ ಟ್ರೋಫಿ ಕ್ರಿಕೆಟ್‌ ಕೂಟದಲ್ಲಿ ಅರ್ಮಾನ್‌ ಜಾಫ‌ರ್‌ ಮುಂಬೈ ತಂಡವನ್ನು ಪ್ರತಿನಿಧಿಸಿದ್ದರು. ಇವರು ಭಾರತ ಟೆಸ್ಟ್‌ ತಂಡದ ಮಾಜಿ ಕ್ರಿಕೆಟಿಗ ವಾಸೀಂ ಜಾಫ‌ರ್‌ ಅವರ ಸೋದರಳಿಯ ಎನ್ನುವುದು ವಿಶೇಷ.