ಸಿಟಿ ಓಪನ್‌ ಟೆನಿಸ್‌: ಕಿರ್ಗಿಯೋಸ್‌ ಫೈನಲಿಗೆ

ವಾಷಿಂಗ್ಟನ್‌: ಆಸ್ಟ್ರೇಲಿಯದ ನಿಕ್‌ ಕಿರ್ಗಿಯೋಸ್‌ ಕಠಿನ ಹೋರಾಟದಲ್ಲಿ ಗ್ರೀಕ್‌ನ ಸ್ಟೆಫ‌ನಸ್‌ ಸಿಸಿಪಸ್‌ ಅವರನ್ನು 6-4, 3-6, 6-7 (7)ರಿಂದ ಕೆಡವಿ “ಸಿಟಿ ಓಪನ್‌ ಟೆನಿಸ್‌’ ಕೂಟದ ಫೈನಲ್‌ ಹಂತಕ್ಕೇರಿದರು.

ಭಾರೀ ಸರ್ವ್‌ಗಳ ಕಿರ್ಗಿಯೋಸ್‌ ಫೈನಲ್‌ ಹೋರಾಟದಲ್ಲಿ ರಶ್ಯದ ಡ್ಯಾನಿಲ್‌ ಮೆಡ್ವಡೇವ್‌ ಸವಾಲನ್ನು ಎದುರಿಸಲಿದ್ದಾರೆ. ಮೆಡ್ವಡೇವ್‌ ಇನ್ನೊಂದು ಸೆಮಿಫೈನಲ್‌ ಪಂದ್ಯ ದಲ್ಲಿ ಪೀಟರ್‌ ಗೊಜೊವಿಜಿಕ್‌ ಅವರನ್ನು 6-2, 6-2 ಸೆಟ್‌ಗಳಿಂದ ಉರುಳಿಸಿದ್ದರು.

ಸಿಂಗಲ್ಸ್‌ನಲ್ಲಿ ಇದೇ ಮೊದಲು
ಡಬಲ್ಸ್‌ನಲ್ಲಿ ಜತೆಯಾಗಿ ಆಡುತ್ತಿರುವ ಕಿರ್ಗಿಯೋಸ್‌ ಮತ್ತು ಸಿಸಿಪಸ್‌ ಸಿಂಗಲ್ಸ್‌ ನಲ್ಲಿ ಮುಖಾಮುಖೀ ಯಾಗುತ್ತಿರುವುದು ಇದೇ ಮೊದಲು. ನಿರ್ಣಾಯಕ ಮೂರನೇ ಸೆಟ್‌ನ ಟೈಬ್ರೇಕರ್‌ನಲ್ಲಿ ಕಿರ್ಗಿಯೋಸ್‌ 5-1 ಮುನ್ನಡೆ ಸಾಧಿಸಿದ್ದರೂ ಸಿಸಿಪಸ್‌ ಸುಲಭವಾಗಿ ಶರಣಾಗಲಿಲ್ಲ. ಪ್ರಬಲ ಹೋರಾಟ ಸಂಘಟಿಸಿದ್ದ ಅವರು ಮ್ಯಾಚ್‌ ಪಾಯಿಂಟ್‌ವರೆಗೆ ಹೋರಾಟ ನಡೆಸಿದ್ದರು.