ಭದ್ರತಾ ಸಿಬ್ಬಂದಿ ಹೋರಾಟಕ್ಕೆ ಸಿಐಟಿಯು ಬೆಂಬಲ

ಮುಂಡರಗಿ: ತಹಶೀಲ್ದಾರ್‌ ಕಾರ್ಯಾಲಯದ ಆವರಣದಲ್ಲಿ ನಡೆಯುತ್ತಿರುವ ಸುಜಲಾನ್‌ ಕಂಪನಿಯ ಭದ್ರತಾ ಸಿಬ್ಬಂದಿಯ ಹೋರಾಟವು 6ನೇ ದಿನಕ್ಕೆ ಕಾಲಿಟ್ಟಿದೆ.

ಭದ್ರತಾ ಸಿಬ್ಬಂದಿ ಹೋರಾಟಕ್ಕೆ ಬೆಂಬಲ ವ್ಯಕ್ತಪಡಿಸಿದ ಸಿಐಟಿಯು ಪ್ರಧಾನ ಕಾರ್ಯದರ್ಶಿ ಮಾರುತಿ ಚಿಟಗಿ ಮಾತನಾಡಿ, ನ್ಯಾಯಯುತ ಹೋರಾಟವನ್ನು ಹತ್ತಿಕ್ಕುವ ಪ್ರಯತ್ನಗಳ ವಿರುದ್ಧ ಹೋರಾಟ ಅನಿವಾರ್ಯವಾಗಿದೆ ಎಂದರು.

ಸಿಐಟಿಯುನ ಶಂಕರ ದೇವರಮನಿ, ಸಿ.ಬಿ. ಶೇಳಕೆ ಮಾತನಾಡಿದರು. ಜಯಶ್ರೀ ಕುರುವತ್ತಿ, ಮಂಜುಳಾ ಜಂತ್ಲಿ, ರತ್ನಾ ಕಮ್ಮಾರ, ಎಸ್‌.ಆರ್‌. ಸಾಲಿಮಠ, ಶಾಂತಾ ಹಿರೇಮಠ, ಎಂ.ಎಂ. ಖತೀಬ್‌, ಅನುಸೂಯಾ ಹಮ್ಮಿಗಿ ಮತ್ತಿತರರಿದ್ದರು.