ಭಾರತದ ಲಾಕ್‌ಡೌನ್‌ ವೇಳೆ ಸಿಗರೇಟ್‌ ಕಳ್ಳಸಾಗಣೆ ಹೆಚ್ಚಳ

ಹೊಸದಿಲ್ಲಿ: ಭಾರತದ ಲಾಕ್‌ಡೌನ್‌ ಸಮಯದಲ್ಲಿ ಸಿಗರೇಟ್‌ ಕಳ್ಳಸಾಗಣೆ ವ್ಯಾಪಕವಾಗಿ ಹೆಚ್ಚಿದೆ ಎಂದು ಎಫ್ಐಸಿಸಿಐ ಆತಂಕದ ಮಾಹಿತಿ ಹೊರಹಾಕಿದೆ.

ಜೂ.12 ರಂದು ನವೀ ಮುಂಬಯಿನ ಬಂದರಿನಲ್ಲಿ 11.88 ಕೋಟಿ ರೂ. ಮೌಲ್ಯದ ಅಕ್ರಮ ವಿದೇಶಿ ಬ್ರ್ಯಾಂಡ್‌ ಸಿಗರೇಟುಗಳನ್ನು ಕಂದಾಯ ಗುಪ್ತಚರ ದಳ ವಶಪಡಿಸಿಕೊಂಡಿತ್ತು.

ಈ ಬಗ್ಗೆ ಕಳವಳ ವ್ಯಕ್ತಪಡಿಸಿರುವ ಎಫ್ಐಸಿಸಿಐ ಕ್ಯಾಸ್ಕೇಡ್‌ ಅಧ್ಯಕ್ಷ ಅನಿಲ್‌ ರಜಪೂತ್‌ ‘ಸಿಗರೇಟ್‌ ಕಳ್ಳಸಾಗಣೆ ಜಗತ್ತಿನಾದ್ಯಂತ ದೊಡ್ಡ ದಂಧೆಯಾಗಿದೆ.

ಕೋವಿಡ್ ಬಿಕ್ಕಟ್ಟಿನ ನಡುವೆ ಈ ದಂಧೆ ನಿಯಂತ್ರಿಸುವ ಸವಾಲೂ ದೇಶಕ್ಕೆ ಎದುರಾಗಿದೆ’ ಎಂದು ಹೇಳಿದ್ದಾರೆ. ಸಿಗರೇಟ್‌ ಕಳ್ಳಸಾಗಣೆಯಿಂದ ಭಾರತದಲ್ಲಿ 3.34 ಲಕ್ಷ ಉದ್ಯೋಗ ನಷ್ಟವಾಗಲಿದೆ ಎಂಬ ಇತ್ತೀಚೆಗೆ ಎಫ್ಐಸಿಸಿಐ ಅಧ್ಯಯನ ವರದಿ ಹೇಳಿತ್ತು.