ಚರ್ಚ್‌ ರೋಡ್‌ ಕಾಮಗಾರಿ ನಿರ್ವಹಣೆ: ಜನರಿಗೆ ತಪ್ಪಿದ ಬವಣೆ

ಕುಂದಾಪುರ: ಇಲ್ಲಿನ ಚರ್ಚ್‌ ರೋಡ್‌ನ‌ಲ್ಲಿ ಚರಂಡಿ ಕಾಮಗಾರಿಯನ್ನು ತತ್‌ಕ್ಷಣ ನಿರ್ವಹಿಸಿ ಸರಿಪಡಿಸಲಾಗಿದೆ. ಕಾಮಗಾರಿ ನಿಧಾನಗತಿಯಿಂದಾಗಿ ಹಾಗೂ ಮಳೆಗಾಲದಲ್ಲಿ ಕಾಮಗಾರಿ ನಿರ್ವಹಿಸಿದ ಕಾರಣ ಜನರಿಗೆ ತೊಂದರಯಾಗುತ್ತಿತ್ತು. 

ಚರಂಡಿ ಕಾಮಗಾರಿಯ ಸ್ಲಾಬ್‌ಗಳನ್ನು  ರಸ್ತೆಯಲ್ಲೇ ದಿನಗಟ್ಟಲೆ ಹಾಕಿದ ಕಾರಣ ವಾಹನಗಳ ಓಡಾಟಕ್ಕೆ ತೊಂದರೆ ಯಾಗುತ್ತಿತ್ತು. ಚರಂಡಿ ತೆರೆದು ಸ್ಲಾಬ್‌ ಮುಚ್ಚದ ಕಾರಣ ಮನೆಯವರು ವಾಹನ ವನ್ನು  ಮನೆಯಂಗಳದಿಂದ ರಸ್ತೆಗೆ ಇಳಿಸು ವಂತಿರಲಿಲ್ಲ. ಮನೆಯಂಗಳಕ್ಕೆ ಇತರ ವಾಹನ ತರುವಂತೆಯೂ ಇರಲಿಲ್ಲ. 

ರವಿವಾರದಂದು ಬೆಳಗಿನ ಹೊತ್ತು ಈ ರಸ್ತೆಯಲ್ಲಿ ವಾಹನಗಳ ಓಡಾಟ ಜಾಸ್ತಿ ಯಾಗಿರುತ್ತದೆ.  ಎಂ.  ಕೋಡಿ ಕಡೆಗೆ ಇದೇ ರಸ್ತೆ ಮೂಲಕ ಹೆಚ್ಚಿನ ವಾಹನಗಳು ಹೋಗುತ್ತವೆ. ಇದೆಲ್ಲ ಕಾರಣದಿಂದ ಜನರಿಗೆ ಸಮಸ್ಯೆಯಾಗುತ್ತಿದೆ ಎಂದು ಉದಯವಾಣಿ  ಜು. 1ರಂದು ಪ್ರಕಟಿಸಿತ್ತು. ರವಿವಾರ ಚರ್ಚ್‌ ರಸ್ತೆಗೆ ಭೇಟಿ ನೀಡಿದಾಗ ಕಾರ್ಮಿಕರ ತಂಡ ಕೆಲಸ ನಿರ್ವಹಿಸುತ್ತಿದ್ದುದು ಕಂಡು ಬಂತು.  ಸ್ಲಾಬ್‌ಗಳನ್ನು ಚರಂಡಿ ಮುಚ್ಚಿ  ಮನೆಗಳ ಬಳಿಗೆ ವಾಹನ ಸರಾಗವಾಗಿ ಹೋಗುವಂತೆ ಮಾಡಲಾಗಿತ್ತು. ಈ ಮೂಲಕ ಜನರ ಬವಣೆ ನೀಗಿದಂತಾಗಿದೆ.