ಮಂಗಳೂರಿನ ಬಾರ್‌ನಲ್ಲಿ ಕ್ರಿಸ್‌ ಗೇಲ್‌! ಮುಗಿಬಿದ್ದ ಅಭಿಮಾನಿಗಳು

 ಮಂಗಳೂರು : ಸ್ಫೋಟಕ ಬ್ಯಾಟ್ಸ್‌ಮನ್‌ ಕ್ರಿಸ್‌ ಗೇಲ್‌ ಅವರು ಭಾನುವಾರ ಮಂಗಳೂರಿನ ಬಲ್ಮಠದಲ್ಲಿರುವ ವೈನ್ ಗೇಟ್ ನ smrin off ಸಂಸ್ಥೆಯ ಹೊಸ ಉತ್ಪನ್ನ ಬಿಡುಗಡೆ ಕಾರ್ಯಕ್ರಮಕ್ಕಾಗಿ ಆಗಮಿಸಿ ಅಭಿಮಾನಿಗಳನ್ನು ಹುಚ್ಚೆಬ್ಬಿಸಿದರು. 

ಗೇಲ್‌ ಅವರಿಗೆ ಆರತಿ ಬೆಳಗಿ, ಕುಂಕುಮ ಹಚ್ಚಿ ಸಾಂಪ್ರದಾಯಿಕವಾಗಿ ಸ್ವಾಗತ ನೀಡಲಾಯಿತು. ಇದೇ ವೇಳೆ ಗೇಲ್‌ ರೋಡ್‌ ಶೋ ನಡೆಸಿದರು. 

ಈ ವೇಳೆ ಮಾತನಾಡಿದ ಗೇಲ್‌ ಮಂಗಳೂರು ನೋಡಿ ತುಂಬಾ ಖುಷಿಯಾಗಿದೆ. ಮಂಗಳೂರು ಸೋ ಹಾಟ್‌ ಆಗಿದೆ.ಮಂಗಳೂರಿಗೂ ಬೆಂಗಳೂರಿಗೆ ವ್ಯತ್ಯಾಸ ಒಂದೇ ಅಕ್ಷರ ಎಂದರು. 

ನೆಚ್ಚಿನ ಆಟಗಾರರನ್ನು ನೋಡಲು ನೂರಾರು ಜನ ಜಮಾವಣೆಗೊಂಡಿದ್ದರಿಂದ ಸಂಚಾರ ದಟ್ಟಣೆ ಉಂಟಾಗಿತ್ತು. ಪೊಲೀಸರು ಪರಿಸ್ಥಿತಿ ನಿಯಂತ್ರಿಸಿದರು.