ವ್ಯಕ್ತಿ ಹಿಡಿದ ಛತ್ರಿಯಿಂದ ಪ್ರಣೀತಿ ಚೋಪ್ರಾ ಪೇಚಿಗೆ!

ಮುಂಬಯಿ: ಬಾಲಿವುಡ್‌ ನಟಿ ಪ್ರಣೀತಿ ಚೋಪ್ರಾ ಸಾಮಾಜಿಕ ಜಾಲತಾಣದಲ್ಲಿ ತಾವೇ ಪೋಸ್ಟ್‌ ಮಾಡಿದ ವಿಡಿಯೋವೊಂದರಿಂದ ಪೇಚಿಗೆ ಸಿಲುಕಿದ್ದಾರೆ. ಕೊನೆಗೆ ಅವರು ವಿಡಿಯೋವನ್ನೇ ಡಿಲೀಟ್‌ ಮಾಡಿದ್ದಾರೆ. 

ಪ್ರಣೀತಿ ದುಬೈ ಪ್ರವಾಸಕ್ಕೆ ತೆರಳಿದ್ದು, ಅಲ್ಲಿನ ಬೀಚ್‌ನಲ್ಲಿ ನಡೆದಾಡುತ್ತಿರುವ ವಿಡಿಯೋ ಪೋಸ್ಟ್‌ ಮಾಡಿದ್ದರು. ಇದರಲ್ಲಿ ವ್ಯಕ್ತಿಯೊಬ್ಬರು ಅವರಿಗೆ ಛತ್ರಿ ಹಿಡಿದಿದ್ದು, ಅವರ ಬ್ಯಾಗನ್ನು ಹಿಡಿದು ಕೊಂಡಿರುವಂತೆ ಇತ್ತು. ಇದನ್ನು ಇನ್‌ಸ್ಟಾಗ್ರಾಂ ನಲ್ಲಿ ಪ್ರಣೀತಿ ಅವರು ಪೋಸ್ಟ್‌ ಮಾಡಿದ್ದರು. ಪರಿ ಣಾಮ ಹಲವರು ವಿಧವಿಧವಾಗಿ ಇದನ್ನು ಗೇಲಿ ಮಾಡಿದ್ದಾರೆ. ಪ್ರಣೀತಿ ಅವರಿಗೆ ಛತ್ರಿ ಹಿಡಿಯಲು ಸಾಧ್ಯವಾಗುತ್ತಿಲ್ಲ. ಛತ್ರಿ 100 ಕೇಜಿ ಇರಬಹುದು ಎಂದೆಲ್ಲ ಕಮೆಂಟ್‌ ಮಾಡಿದ್ದಾರೆ. ಕೊನೆಯಲ್ಲಿ ಅವರು ವಿಡಿಯೋವನ್ನೇ ಡಿಲೀಟ್‌ ಮಾಡಿದ್ದಾರೆ.