ನೆಲ್ಲಿಕಾಯಿ ಮೇಲೆ ಚೀನ ಜೀರುಂಡೆ ಬಾಧೆ

ಗುವಾಹಟಿ: ಕೇವಲ ನಮ್ಮ ಯೋಧರಿಗಷ್ಟೇ ಅಲ್ಲ, ನಮ್ಮ ಗಿಡ ಮರಗಳ ಮೇಲೂ ಚೀನ ಕಾಟ ಶುರುವಾಗಿದೆ! ಅರುಣಾಚಲ ಪ್ರದೇಶದ ಪೂರ್ವ ಸಿಯಾಂಗ್‌ ಜಿಲ್ಲೆಯಲ್ಲಿ ಲಿಚಿ ಮರಗಳು, ನೆಲ್ಲಿಕಾಯಿ ಮರಗಳ ಮೇಲೆ ಚೀನ ಜೀರುಂಡೆಗಳ ಬಾಧೆ ಶುರುವಾಗಿದೆ. ಈ ಬಗ್ಗೆ ಇಂಡಿಯನ್‌ ಜರ್ನಲ್‌ ಆಫ್ ಎಂಟೋಮಾಲಜಿಯಲ್ಲಿ ವರದಿ ಪ್ರಕಟವಾಗಿದೆ.

ಅರುಣಾಚಲ ಪ್ರದೇಶದ ವಿವಿಧ ಭಾಗಗಳಲ್ಲಿ ಚೀನ ಜೀರುಂಡೆಯ ಹಾವಳಿಯನ್ನು ಅಧ್ಯಯನ ನಡೆಸಲಾಗಿದ್ದು, ನೆಲ್ಲಿಕಾಯಿ ಮರಗಳ ತೊಗಟೆಯನ್ನು ತಿಂದಿರುವುದು ಗೊತ್ತಾಗಿದೆ ಎಂದು ಈ ಅಧ್ಯಯನ ತಿಳಿಸಿದೆ.

ಈ ಜೀರುಂಡೆಗಳು ನೆಲ್ಲಿಕಾಯಿ ಮರಗಳ ತೊಗಟೆಯನ್ನು ತಿನ್ನುವುದರಿಂದ ಹಾಳಾಗುವ ಸಾಧ್ಯತೆ ಇದೆ. ಅಷ್ಟೇ ಅಲ್ಲ, ಅರುಣಾಚಲ ಪ್ರದೇಶದ ಹೊರಗಿನ ರಾಜ್ಯಗಳ ಮೇಲೂ ಈ ಜೀರುಂಡೆಗಳು ದಾಳಿ ನಡೆಸಬಹುದು. ಅಂದರೆ ಬಿಹಾರ, ಪಶ್ಚಿಮ ಬಂಗಾಲ, ಉತ್ತರ ಪ್ರದೇಶ ಮತ್ತು ಜಾರ್ಖಂಡ್‌ನ‌ಲ್ಲೂ ಕಾಣಿಸಿಕೊಳ್ಳಬಹುದು ಎಂದು ಅಧ್ಯಯನ ನಡೆಸಿರುವ ಸಂಶೋಧಕರು ಅಭಿಪ್ರಾಯ ಪಟ್ಟಿದ್ದಾರೆ.