ತುರ್ತು ಪರಿಸ್ಥಿತಿಯಲ್ಲಿ ಲಸಿಕೆ ವಿತರಿಸಲು ಚೀನ ಅನುಮೋದನೆ

ಬೀಜಿಂಗ್‌: ಲಸಿಕೆಯ ಕ್ರೆಡಿಟ್‌ ಪಡೆದುಕೊಳ್ಳಲು ಹಲವು ದೇಶಗಳು ಪೈಪೋಟಿಯಲ್ಲಿ ನಿರತವಾಗಿದೆ. ಇದೀಗ ಅನುಮೋದನೆಗೆ ಮುಂಚಿತವಾಗಿ ತುರ್ತು ಪರಿಸ್ಥಿತಿಯಲ್ಲಿ ಲಸಿಕೆ ಬಳಕೆಯನ್ನು ಚೀನ ಈಗಾಗಲೇ ಅನುಮೋದಿಸಿದೆ. ಈ ಲಸಿಕೆಯನ್ನು ಚೀನದ ಕಂಪನಿಯೊಂದು ಸಿದ್ಧಪಡಿಸಿದೆ. ಚೀನದ ಅಧಿಕಾರಿಯೊಬ್ಬರ ಪ್ರಕಾರ, ಲಸಿಕೆ ಬಳಕೆಯನ್ನು ಲಸಿಕೆ ನಿರ್ವಹಣಾ ಕಾಯ್ದೆಯಡಿ ಅನುಮೋದಿಸಲಾಗಿದೆ. ಈ ಕಾನೂನಿನ ಅನ್ವಯ ಲಸಿಕೆಯನ್ನು ಅನುಮೋದಿಸುವ ಮೊದಲು ಅಪಾಯದ ವಲಯದಲ್ಲಿರು ವವರಿಗೆ ನೀಡಬ ಹುದು.

ಮಾಧ್ಯಮ ವರದಿಗಳ ಪ್ರಕಾರ ಜುಲೈನಿಂದ ಚೀನದಲ್ಲಿ ಜನರಿಗೆ ಲಸಿಕೆ ನೀಡಲಾಗಿದೆ. ಒಂದು ತಿಂಗಳ ಹಿಂದೆ, ಜುಲೈ 22ರಂದು, ಕೋವಿಡ್‌ -19 ಲಸಿಕೆಯನ್ನು ತುರ್ತು ಬಳಕೆಗಾಗಿ ಅಧಿಕೃತವಾಗಿ ಚೀನ ಪ್ರಾರಂಭಿಸಿತ್ತು. ಬಳಿಕದ ದಿನಗಳಲಿ ಪ್ರಯೋಗಗಳು ಮುಂದುವರೆದವು. ಲಸಿಕೆಯ ಮೊದಲ ಪ್ರಮಾಣವನ್ನು ನೀಡಿದ ಕೆಲವು ಜನರಲ್ಲಿ ಸೌಮ್ಯವಾದ ಸ್ಪಂದನೆ ವ್ಯಕ್ತವಾಗಿದೆ ಎನ್ನಲಾಗಿದೆ. ಯಾರಿಗೂ ಜ್ವರ ಇರಲಿಲ್ಲ.

ಚಳಿಗಾಲದಲ್ಲಿ ಸಾಂಕ್ರಾಮಿಕ ರೋಗವನ್ನು ತಡೆಯುವ ನಿಟ್ಟಿನಲ್ಲಿ ಮುಂದಿನ ಯೋಜನೆಯನ್ನು ಮಾಡಲಾಗುತ್ತದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ. ಮುಂಬರುವ ಚಳಿಗಾಲದಲ್ಲಿ ಸಾಂಕ್ರಾಮಿಕ ರೋಗವನ್ನು ತಡೆಯಲು ಯೋಜಿಸುತ್ತೇವೆ. ಲಸಿಕೆ ಲಭ್ಯತೆಯ ವ್ಯಾಪ್ತಿಯನ್ನು ಮುಂಬರುವ ದಿನಗಳಲ್ಲಿ ವಿಸ್ತರಿಸಲಾಗುವುದು ಎಂದರು. ಲಸಿಕೆ ಪ್ರಮಾಣವನ್ನು ಅನೇಕ ಕ್ಷೇತ್ರಗಳಲ್ಲಿ ಉಚಿತವಾಗಿ ನೀಡಲಾಗುತ್ತಿದೆ. ಆದರೆ ಚೀನ ತನ್ನ ಅಂಕಿಅಂಶಗಳನ್ನು ಬಿಡುಗಡೆ ಮಾಡದೇ ಇರುವ ಕಾರಣ ಎಷ್ಟು ಜನರಿಗೆ ಡೋಸ್‌ ನೀಡಲಾಯಿತು? ಇದರ ನಿಖರ ಮಾಹಿತಿ ದೊರೆಯುವುದು ಕಷ್ಟ.