ಚೀನಾದ 135 ವರ್ಷದ ಅಜ್ಜಿ ನಿಧನ

ಬೀಜಿಂಗ್‌: ಚೀನಾದ ಅತ್ಯಂತ ಹಿರೀಕರು ಎಂಬ ಖ್ಯಾತಿಗೆ ಪಾತ್ರರಾಗಿದ್ದ 135 ವರ್ಷದ ಅಜ್ಜಿ ಅಲಿಮಿಹನ್‌ ಸೆಯಿತಿ ಗುರುವಾರ ನಿಧನರಾಗಿದ್ದಾರೆ.

ದೀರ್ಘಾಯುಷ್‌ ಪಟ್ಟಣ ಎಂದೇ ಕರೆಸಿಕೊಳ್ಳುವ ಕೊಮುಕ್ಸೆರಿಕ್‌ನಲ್ಲಿ ವಾಸವಿದ್ದ ಅಲಿಮಿಹೆನ್‌, 1886ರ ಜೂ.25ರಂದು ಜನಿಸಿದ್ದರು.

2013ರಲ್ಲಿ ಚೀನಾ ಅವರನ್ನು ರಾಷ್ಟ್ರದ ಅತ್ಯಂತ ಹಿರಿಯರು ಎಂದು ಘೋಷಿಸಿತ್ತು.

ಕೊನೆಯ ದಿನದವರೆಗೂ ಅತ್ಯಂತ ಸರಳ ಜೀವನ ನಡೆಸಿದ್ದ ಅವರು ಸಮಯಕ್ಕೆ ಸರಿಯಾಗಿ ಊಟ-ತಿಂಡಿ ಮಾಡಿಕೊಂಡಿದ್ದರು.

ಗಿಡಗಳಿಗೆ ನೀರು ಹಾಕುವುದು, ಮೊಮ್ಮಕ್ಕಳ ಮಕ್ಕಳೊಂದಿಗೆ ಆಟವಾಡುತ್ತಾ ಕಾಲ ಕಳೆಯುತ್ತಿದ್ದರು.

ಇದನ್ನೂ ಓದಿ:ಪರಿಹಾರದ ಹಣ ಒಳ್ಳೆಯ ಕೆಲಸಕ್ಕೆ ಬಳಸಿಕೊಳ್ಳಿ : ಡಾ.ರಂಗನಾಥ್

ಕೊಮುಕ್ಸೆರಿಕ್‌ ನಗರದಲ್ಲಿ ಸಾಕಷ್ಟು ಮಂದಿ 90 ವರ್ಷ ಮೇಲ್ಪಟ್ಟವರಿರುವುದರಿಂದ ಆ ನಗರವನ್ನು ದೀರ್ಘಾಯುಷ್‌ ನಗರ ಎಂದೂ ಕರೆಯಲಾಗುತ್ತದೆ.