China Open Badminton: ಪ್ರಿಯಾಂಶು ರಾಜಾವತ್‌ ಹೊರಕ್ಕೆ

ಚಾಂಗ್‌ಝೂ (ಚೀನ): ಭಾರತದ ಉದಯೋನ್ಮುಖ ಶಟ್ಲರ್‌ ಪ್ರಿಯಾಂಶು ರಾಜಾವತ್‌ ಅವರು ಚೀನ ಓಪನ್‌ ಬ್ಯಾಡ್ಮಿಂಟನ್‌ ಕೂಟದ ಮೊದಲ ಸುತ್ತಿನ ಹೋರಾಟದಲ್ಲಿ ಕೆನಡದ ಬ್ರಾನ್‌ ಯಂಗ್‌ ಅವರೆದುರು ಸೋಲನ್ನು ಕಂಡು ಹೊರಬಿದ್ದಿದ್ದಾರೆ.

ಕಳೆದ ವರ್ಷ ಆರ್ಲಿಯನ್ಸ್‌ ಮಾಸ್ಟರ್‌ ಕೂಟದ ಪ್ರಶಸ್ತಿ ಜಯಿಸಿದ್ದ 22ರ ಹರೆಯದ ಪ್ರಿಯಾಂಶು ಅವರು ಸೂಪರ್‌ 1000 ಕೂಟದ ಮೊದಲ ಸುತ್ತಿನಲ್ಲಿ ಯಂಗ್‌ ಅವರೆದುರು 13-21, 16-21 ಸೆಟ್‌ಗಳಿಂದ ಶರಣಾದರು. ಈ ಹೋರಾಟ 36 ನಿಮಿಷಗಳವರೆಗೆ ಸಾಗಿತ್ತು.

ಇದೀಗ 40ನೇ ರ್‍ಯಾಂಕಿನ ಕಿರಣ್‌ ಜಾರ್ಜ್‌ ಪುರುಷರ ಸಿಂಗಲ್ಸ್‌ನಲ್ಲಿ  ಕಣದಲ್ಲಿ ಉಳಿದ ಭಾರತದ ಏಕೈಕ ಸ್ಪರ್ಧಿಯಾಗಿದ್ದಾರೆ.