ಗಡಿ ಬಿಕ್ಕಟ್ಟಿಗೆ ಚೀನ ಕಾರಣ

ಬೀಜಿಂಗ್‌: ಡೋಕ್ಲಾಂ ವಿವಾದದ ಬಳಿಕ ಆ ಸ್ಥಳದಲ್ಲಿ ಯಾವುದೇ ಬದಲಾವಣೆ ಉಂಟಾಗಿಲ್ಲ. ಆದರೆ ಬಿಕ್ಕಟ್ಟಿಗೆ ಚೀನವೇ ಕಾರಣ ಎಂದು ಬೀಜಿಂಗ್‌ನಲ್ಲಿರುವ ಭಾರತದ ರಾಯಭಾರಿ ಗೌತಮ್‌ ಬಂಬಾವಲೆ ಹೇಳಿದ್ದಾರೆ. 

ಡೋಕ್ಲಾಂನಲ್ಲಿ ಚೀನದ ಸೇನಾಪಡೆ ಮತ್ತೂಮ್ಮೆ ರಸ್ತೆ ಮತ್ತಿತರ ಮೂಲ ಸೌಕರ್ಯಗಳ ನಿರ್ಮಾಣ ಕಾರ್ಯದಲ್ಲಿ ತೊಡಗಿವೆ ಎಂಬ ವರದಿಗಳ ಬಗ್ಗೆ ಬಂಬಾವಲೆ ಪ್ರತಿಕ್ರಿಯೆ ನೀಡಿದ್ದಾರೆ. ಹಾಂಕಾಂಗ್‌ನ ಪತ್ರಿಕೆಯೊಂದರ ಜತೆಗೆ ಮಾತನಾಡಿದ ಅವರು, ಆಯಾ ದೇಶಗಳ ಗಡಿ ವ್ಯಾಪ್ತಿಗೆ ಸಂಬಂಧಿಸಿದಂತೆ ಎಲ್ಲರೂ ತಮ್ಮದೇ ಆದ ರೀತಿಯಲ್ಲಿ ಕೆಲಸಗಳನ್ನು ಕೈಗೊಳ್ಳಲು ಅವಕಾಶ ಇದೆ ಎಂದು ಹೇಳಿಕೊಂಡಿದ್ದಾರೆ. ಜತೆಗೆ, ನೆರೆರಾಷ್ಟ್ರಗಳ ಜತೆಗೆ ಚೀನ ಸ್ನೇಹ ಹಸ್ತ ಚಾಚುತ್ತಿರುವುದರ ಬಗ್ಗೆ ಭಾರತಕ್ಕೆ ಯಾವುದೇ ಆತಂಕವಿಲ್ಲ ಎಂದೂ ಅವರು ಸ್ಪಷ್ಟಪಡಿಸಿದ್ದಾರೆ.