ಮತ್ತೆ ಬಂದರೆ ಬಿಟ್ಟುಕೊಳ್ಳಲ್ಲ: ಚೀನ ಎಚ್ಚರಿಕೆ

ಹೊಸದಿಲ್ಲಿ/ಬೀಜಿಂಗ್‌: ಜಗತ್ತಿಗೆ ಕೊರೊನಾ ಸೋಂಕು ಹರಡಿದ್ದು ಹೇಗೆ ಎಂಬ ಬಗ್ಗೆ ಎರಡನೇ ಬಾರಿಗೆ ವುಹಾನ್‌ ಲ್ಯಾಬ್‌ ಭೇಟಿಗೆ ಅವಕಾಶ ಇಲ್ಲ ಎಂದು ಚೀನ ಸ್ಪಷ್ಟವಾಗಿ ತಿರಸ್ಕರಿಸಿದೆ. ಪರಿಶೀಲನೆಗೆ ಅವಕಾಶ ಕೊಡಬೇಕು ಎಂದು ಮನವಿ ಮಾಡಿದ್ದ ವಿಶ್ವ ಆರೋಗ್ಯ ಸಂಸ್ಥೆಯ ಮನವಿಗೆ ಚೀನ ಸೂಕ್ತವಾಗಿ ಸ್ಪಂದಿಸಿಯೇ ಇಲ್ಲ. ಹೀಗಾಗಿ ಜಗತ್ತಿಗೆ ಸೋಂಕಿನ ಸವಾಲು ಹಬ್ಬಿದ್ದು ಚೀನದಿಂದಲೇ ಎಂದು ಮತ್ತೂಮ್ಮೆ ದೃಢಪಟ್ಟಿದೆ.

ಮುಚ್ಚಿಟ್ಟಿಲ್ಲ: ದೇಶದಲ್ಲಿ ಕೊರೊನಾ ಸಾವಿನ ಸಂಖ್ಯೆ ಯನ್ನು ಮುಚ್ಚಿಡಲಾಗಿಲ್ಲ. ಅವುಗಳನ್ನು ಕಾನೂನಾತ್ಮಕ ವಾಗಿ ದೃಢೀಕರಿಸಲು ಹಲವು ವಿಧಗಳಿವೆ ಎಂದು ಕೇಂದ್ರ ಸರಕಾರ ಗುರುವಾರ ಹೇಳಿದೆ. ಈ ಬಗ್ಗೆ ಕೆಲವು ಮಾಧ್ಯಮಗಳಲ್ಲಿ ವರದಿಯಾಗಿರುವ ಅಂಶ ಸತ್ಯಕ್ಕೆ ದೂರವಾದದ್ದು ಎಂದು ಕೇಂದ್ರ ಆರೋಗ್ಯ ಸಚಿವಾಲಯ ಹೇಳಿದೆ.

ಸಕ್ರಿಯ ಸೋಂಕು ಹೆಚ್ಚಳ: ದೇಶದಲ್ಲಿ ಸತತ ಎರಡನೇ ದಿನ ಸಕ್ರಿಯ ಸೋಂಕು ಸಂಖ್ಯೆ ಏರಿಕೆಯಾಗಿದೆ. ಬುಧವಾರದಿಂದ ಗುರುವಾರದ ಅವಧಿಯಲ್ಲಿ 4,09,394ಕ್ಕೆ ಏರಿಕೆಯಾಗಿದೆ. ಇದೇ ಅವಧಿಯಲ್ಲಿ 41,383 ಹೊಸ ಸೋಂಕು ಪ್ರಕರಣ ಮತ್ತು 507 ಮಂದಿ ಸೋಂಕಿನಿಂದ ಅಸುನೀಗಿದ್ದಾರೆ. ದೇಶದಲ್ಲಿ ಚೇತರಿಕೆ ಪ್ರಮಾಣ ಶೇ.97.35ಕ್ಕೆ ಏರಿಕೆಯಾಗಿದೆ.