Advertisement
“ಕಾರಿಡಾರ್‌’ ಕಟಾಕ್ಷ: ಚೀನವು ಪಾಕಿಸ್ಥಾನದಲ್ಲಿ ಕೈಗೊಂಡ 46 ಬಿಲಿಯನ್‌ ಡಾಲರ್‌ ವೆಚ್ಚದ ಆರ್ಥಿಕ ಕಾರಿಡಾರ್‌ ಯೋಜನೆಯಡಿ ಗ್ವದಾರ್‌ ಬಂದರನ್ನು ನವೀಕರಿಸುತ್ತಿದೆ. ಯುದ್ಧ ಸಾಮಗ್ರಿ, ಇತ್ಯಾದಿ ಸರಕು ಸಾಗಾಟಕ್ಕಾಗಿ ಚೀನ ಈ ಕಾರಿಡಾರನ್ನು ಬಳಸಿ ಕೊಳ್ಳುತ್ತಿದೆ. ಪಾಕ್‌ನ ಗ್ವದಾರ್‌ ಮುಖ್ಯವಾಗಿ ಇರಾನ್‌ಗೆ ಅತ್ಯಂತ ಹತ್ತಿರದಲ್ಲಿದೆ. ಅರಬ್ಬಿ ಸಮುದ್ರ ಮತ್ತು ಹಿಂದೂ ಮಹಾ ಸಾಗರ ಮಾರ್ಗಗಳ ಮೇಲೆ ವ್ಯಾಪಾರ ಹಿಡಿತ ಸಾಧಿಸಲು ಚೀನ ಈ ಬಂದ ರನ್ನು ಬಳಸಿಕೊಳ್ಳುತ್ತಿದೆ ಎನ್ನಲಾಗಿದೆ.
ಪೂರ್ವ ಲಡಾಖ್‌ನಲ್ಲಿ ಉದ್ಭವಿಸಿರುವ ಬಿಕ್ಕಟ್ಟು ಸಂಬಂಧ ಭಾರತ- ಚೀನದ ಉನ್ನತ ಮಟ್ಟದ ಸೇನಾಧಿಕಾರಿಗಳು ಜೂ.6ಕ್ಕೆ ಮಾತು ಕತೆ ನಡೆಸಲಿದ್ದಾರೆ. ಭಾರತದ ಗಡಿಯ ಮೀಟಿಂಗ್‌ ಪಾಯಿಂಟ್‌, ಚುಷುಲ್‌- ಮೊಲ್ಡೊನಲ್ಲಿ ಮಾತುಕತೆ ಜರಗಲಿದೆ. ಭಾರತದ ಪರವಾಗಿ ಲೆ.ಜ. ಹರಿಂದರ್‌ ಸಿಂಗ್‌ ಪಾಲ್ಗೊಳ್ಳಲಿದ್ದಾರೆ. ಹಲವು ಸುತ್ತಿನ ಮಾತು ಕತೆಗಳು ಮುರಿದುಬಿದ್ದಿದ್ದು, ಈ ಬಾರಿ ಧನಾ ತ್ಮಕ ಫ‌ಲಿತಾಂಶ ಸಿಗುವ ಸಾಧ್ಯತೆ ಇದೆ.