ವರ್ಷ ತುಂಬದ ಮಗು ನಾಪತ್ತೆ: ಅಪಹರಣದ ಶಂಕೆ

ಬೆಂಗಳೂರು: ವರ್ಷ ತುಂಬದ ಮಗುವೊಂದು ನಾಪತ್ತೆಯಾಗಿರುವ ಘಟನೆ ಬೆಂಗಳೂರಿನ ಹೆಗ್ಡೆ ನಗರ ಸಮೀಪ ಎಕ್ಸ್‌ ಸರ್ವಿಸ್‌ ಮ್ಯಾನ್‌ ಲೇಔಟ್‌ನಲ್ಲಿ ಗುರುವಾರ ನಡೆದಿದೆ. 

ರಾಯಚೂರು ಮೂಲದ ಕುಟುಂಬ ಕಳೆದ ಐದು ವರ್ಷಗಳಿಂದ ಈ ಒಂದು ಲೇಔಟ್‌ನಲ್ಲಿ ಬಿಡಾರ ಕಟ್ಟಿಕೊಂಡು ಜೀವನ ನಡೆಸುತ್ತಿದ್ದರು. ಭೀಮಾ ಮತ್ತು ಮಹೇಶ್ವರಿ ಎಂಬ ದಂಪತಿಯ ಮಗು ಅಭಿರಾಮ್‌ ನಿನ್ನೆಯ ದಿನ ಮನೆಯ ಹೊರಗಡೆ ಆಟವಾಡಿಕೊಳ್ಳುತ್ತಿದ್ದ ಸಂದರ್ಭದಲ್ಲಿ ಕಾಣೆಯಾಗಿದ್ದಾನೆ. ಅಪರಿಚಿತರರು ಅಪಹರಿಸಿದ್ದಾರೆಂದು ಶಂಕಿಸಲಾಗಿದೆ.

ಮಗು ಕಾಣೆಯಾಗಿರುವ ಕುರಿತು ಕೊತ್ತನೂರು ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.