ರಾಜ್ಯದಲ್ಲಿ ಬಾಲ್ಯ ವಿವಾಹ ಪ್ರಮಾಣ ಕುಸಿತ

ಕಾಸರಗೋಡು: ಕೇರಳದಲ್ಲಿ ಬಾಲ್ಯ ವಿವಾಹ ಪ್ರಮಾಣ ಗಣನೀಯವಾಗಿ ಇಳಿದಿದೆ ಎಂದು ರಾಜ್ಯ ಸ್ಥಳೀಯಾಡಳಿತ ಇಲಾಖೆಯ ಲೆಕ್ಕಾಚಾರಗಳು ಸೂಚಿಸುತ್ತವೆ. 2015 ರ ಜನಗಣತಿ ಪ್ರಕಾರ ಕೇರಳದಲ್ಲಿ  15 ರಿಂದ 18 ರ ಮಧ್ಯೆ ಪ್ರಾಯದವರ ಬಾಲ್ಯ ವಿವಾಹ ಶೇ.4.62 ಆಗಿತ್ತು. ಕ್ರೈಸ್ತ ವಿಭಾಗದಲ್ಲಿ ಶೇ.0.17. ಹಿಂದೂಗಳಲ್ಲಿ ಶೇ.1.12 ಮತ್ತು ಮುಸ್ಲಿಂ ವಿಭಾಗದಲ್ಲಿ ಶೇ.3.33 ಆಗಿತ್ತು.

ರಾಷ್ಟ್ರೀಯ ಮಟ್ಟಕ್ಕೆ ಹೋಲಿಸಿದರೆ ಕೇರಳದಲ್ಲಿ ಬಾಲ್ಯವಿವಾಹ ಪ್ರಮಾಣ ಅತೀ ಕಡಿಮೆಯಾಗಿದೆ. ಈ ಬಗ್ಗೆ ಕೇರಳೀಯರು ಹೊಂದಿರುವ ಅರಿವೇ ಬಾಲ್ಯವಿವಾಹ ಇಳಿಯಲು ಕಾರಣವಾಗಿದೆ. ಜನಸಂಖ್ಯೆಯಲ್ಲಿ ಮರಣ ಅನುಪಾತದಲ್ಲಿ ಹಿಂದೂ ವಿಭಾಗದವರು ಮುಂದಿದ್ದಾರೆಂದೂ 2015 ರ ಲೆಕ್ಕಾಚಾರಗಳು ಸೂಚಿಸುತ್ತವೆೆ. 2015 ರಲ್ಲಿ ಕೇರಳದಲ್ಲಿ ನಿಧನ ಹೊಂದಿದವರಲ್ಲಿ ಹಿಂದುಗಳು ಶೇ.60.09. ಕ್ರೈಸ್ತರು ಶೇ.20.16, ಮುಸ್ಲಿಮರು ಶೇ.19.21 ಆಗಿದೆ.