ಚಿಕ್ಕಮಗಳೂರು : ಯುವಕರ ವೀಲಿಂಗ್ ಹುಚ್ಚಾಟ ; ಪೊಲೀಸರಿಂದ ಕಠಿಣ ಕ್ರಮ

ಚಿಕ್ಕಮಗಳೂರು : ಕಾಫಿನಾಡಿನ ಪೊಲೀಸರು ವೀಲಿಂಗ್ ಮಾಡಿ ಪುಂಡಾಟಿಕೆ ತೋರಿದ ಯುವಕ ಚಳಿಬಿಡಿಸಿದ್ದು, ಅರ್ಧ ಹೆಲ್ಮೆಟ್ ಗಳು , ಶೋಕಿ ಮಾಡಲು ಬಳಸಿದ್ದ ಬೈಕ್ ಗಾಲ ಸೈಲೆನ್ಸರ್ ಗಳನ್ನು ಬುಲ್ಡೋಜರ್ ಬಳಸಿ ಧ್ವಂಸ ಗೊಳಿಸಿದ್ದಾರೆ.

ವೀಲಿಂಗ್ ಶೋಕಿ ಮಾಡಿದವರ ವಿರುದ್ಧ ಕಠಿಣ ಕ್ರಮ ಕೈಗೊಂಡಿರುವ ಚಿಕ್ಕಮಗಳೂರು ನಗರ ಸಂಚಾರಿ ಪೊಲೀಸರು , ಮಾಡಿಫೈ ಮಾಡಿ ಸಾರ್ವಜನಿಕರಿಗೆ ತೀವ್ರ ಕಿರಿಕಿರಿ ಉಂಟು ಮಾಡುತ್ತಿದ್ದ ಸೈಲೆನ್ಸರ್ ಗಳನ್ನ ಪೊಲೀಸರು ನಾಶ ಮಾಡಿದ್ದಾರೆ.

ರಾಷ್ಟ್ರೀಯ ಹೆದ್ದಾರಿಯಲ್ಲಿ ಯುವಕರು ವೀಲಿಂಗ್ ಮಾಡಿ ಸಾರ್ವಜನಿಕರಲ್ಲಿ ಆತಂಕ ಮೂಡಿಸಿದ್ದರು, ವೀಲಿಂಗ್ ಹುಚ್ಚಾಟಕ್ಕೆ ಜನ ಆಕ್ರೋಶ ವ್ಯಕ್ತಪಡಿಸಿದ್ದರು. ಎಸ್ ಪಿ ಸೂಚನೆ ಮೇರೆಗೆ ಬೈಕ್ ಗಳನ್ನು ಜಪ್ತಿ ಮಾಡಿದ ಪೊಲೀಸರು ಬಿಗು ಕ್ರಮ ಕೈಗೊಂಡಿದ್ದಾರೆ.