ಒಂದೇ ದಿನ 18 ಕಿ.ಮೀ. ನಡೆದ ದೇಶದ ಮುಖ್ಯ ಚುನಾವಣಾಧಿಕಾರಿ!

ಚಮೋಲಿ (ಉತ್ತರಾಖಂಡ): ಭಾರತ ವಿಶ್ವದ ದೊಡ್ಡ ಪ್ರಜಾಪ್ರಭುತ್ವ ದೇಶ ಎನ್ನುವುದೇನೋ ಸರಿ. ಆದರೆ ದೇಶದ ಮೂಲೆಮೂಲೆಗಳಲ್ಲೂ ಮತದಾನ ನಡೆಯಬೇಕಾದರೆ ಚುನಾವಣಾಧಿಕಾರಿಗಳು ಎಷ್ಟು ಕಷ್ಟ ಪಡುತ್ತಾರೆ ಗೊತ್ತಾ?

ಆ ಕಷ್ಟವೇನೆಂದು ತಿಳಿಯಲಿಕ್ಕಾಗಿಯೇ ದೇಶದ ಮುಖ್ಯ ಚುನಾವಣಾ ಆಯುಕ್ತರಾದ ರಾಜೀವ್‌ ಕುಮಾರ್‌; ಇತ್ತೀಚೆಗೆ ಒಂದೇ ದಿನ 18 ಕಿ.ಮೀ.ಗಳನ್ನು ಉತ್ತರಾಖಂಡದ ಗುಡ್ಡಗಾಡು ಪ್ರದೇಶಗಳಲ್ಲಿ ನಡೆದುಕೊಂಡೇ ಸಾಗಿದ್ದಾರೆ!

ಅವರು ಆ ರಾಜ್ಯದಲ್ಲೇ ಅತ್ಯಂತ ದೂರದಲ್ಲಿರುವ ಮತಗಟ್ಟೆಗಳಾದ ಚಮೋಲಿ ಜಿಲ್ಲೆಯ ಡುಮಾಕ್‌, ಕಲ್ಗೊàಥ್‌ ಹಳ್ಳಿಗಳ ಪರಿಸ್ಥಿತಿಯನ್ನು ಕಣ್ಣಾರೆ ನೋಡಿದ್ದಾರೆ.

ಹಾಗೆಯೇ ಇತರೆ ಹಳ್ಳಿಗಳಿಗೂ ನಡೆದೇ ಹೋಗಿದ್ದಾರೆ. ಚುನಾವಣಾ ಸಿಬ್ಬಂದಿಗೆ ಎದುರಾಗುವ ಸವಾಲುಗಳನ್ನು ಅರಿತಿದ್ದಾರೆ. ಅದಕ್ಕೆ ತಕ್ಕಂತೆ ಕೆಲವು ಬದಲಾವಣೆ ಮಾಡಲು ನಿರ್ಧರಿಸಿದ್ದಾರೆ.