ಛತ್ತೀಸ್‌ಗಢ: 10 ನಕ್ಸಲರು ಎನ್‌ಕೌಂಟರ್‌ಗೆ ಬಲಿ

ರಾಯು³ರ: ಛತ್ತೀಸ್‌ಗಢ ರಾಜಧಾನಿ ರಾಯು³ರದಿಂದ 400 ಕಿ.ಮೀ. ದೂರವಿರುವ ಬೋರ್ಗಾ ಎಂಬ ಹಳ್ಳಿಯ ಬಳಿಯ ಭೈರಾಂಗಢ ಅರಣ್ಯ ಪ್ರದೇಶದಲ್ಲಿ ಭದ್ರತಾ ಪಡೆಗಳು ಹಾಗೂ ನಕ್ಸಲರ ನಡುವೆ ನಡೆದ ಗುಂಡಿನ ಚಕಮಕಿಯಲ್ಲಿ 10 ನಕ್ಸಲರು ಹತ್ಯೆಗೀಡಾಗಿದ್ದಾರೆ. 

ಮಾವೋಯಿಸ್ಟ್‌ ಡಿವಿಷನಲ್‌ ಕಮಿಟಿ ಸದಸ್ಯರಾದ ರಾಜಮನ್‌ ಮಾಂಡವಿ, ಸುಖಾಲ್‌ ಸಹಿತ ಅವರ ಸಂಗಡಿಗರು ಭೈರಾಂಗಢ ಅರಣ್ಯ ಪ್ರದೇಶದಲ್ಲಿ ಅವಿತಿರುವ ಬಗ್ಗೆ ಮಾಹಿತಿ ಸಿಕ್ಕ ಹಿನ್ನೆಲೆಯಲ್ಲಿ ಭದ್ರತಾ ಪಡೆಗಳ ತಂಡ ಅಲ್ಲಿ  ಕಾರ್ಯಾಚರಣೆ ನಡೆಸಿದಾಗ ಉಂಟಾದ ಗುಂಡಿನ ಚಕಮಕಿಯಲ್ಲಿ 10 ನಕ್ಸಲರು ಮೃತರಾಗಿದ್ದಾರೆ. ಅವರಿಂದ 11 ಮಜಲ್‌ ಲೋಡಿಂಗ್‌ ಗನ್‌ಗಳು, 315 ಬೋರ್‌ ರಿವಾಲ್ವರ್‌ಗಳನ್ನು ವಶಕ್ಕೆ ಪಡೆಯಲಾಗಿದೆ.

ಇದೇ ವೇಳೆ, ಗಾಡಿcರೋಲಿಯ ಭಾಮ್ರಗಢ ತಾಲೂಕಿನಲ್ಲಿ ಪೊಲೀಸರ ಮಾಹಿತಿದಾರ ಎಂಬ ಶಂಕೆ ಹಿನ್ನೆಲೆಯಲ್ಲಿ 31 ವರ್ಷದ ಆನಂದವಾರ್‌ ಸಂತು ಎಂಬವರನ್ನು ನಕ್ಸಲರು ಗುರುವಾರ ಕತ್ತು ಸೀಳಿ ಕೊಲೆಗೈದಿದ್ದಾರೆ.