Chess: ಸೋತ ಕಾರಣಕ್ಕೆ ಕಂಪ್ಯೂಟರ್‌ ಸ್ಕ್ರೀನ್‌ ಒಡೆದ ಕಾರ್ಲ್ಸನ್‌

ಓಸ್ಲೊ (ನಾರ್ವೆ): ಚೆಸ್‌ ಪಂದ್ಯವನ್ನು ಸೋತ ಕಾರಣಕ್ಕೆ ವಿಶ್ವದ ನಂ.1 ಚೆಸ್‌ ಆಟಗಾರ ಮ್ಯಾಗ್ನಸ್‌ ಕಾರ್ಲ್ ಸನ್‌ ಎದುರಾಳಿಗೆ ಬೈಯುತ್ತ ವಿಚಿತ್ರವಾಗಿ ವರ್ತಿಸಿದ ಘಟನೆಯ ವೀಡಿಯೋ ವೈರಲ್‌ ಆಗಿದೆ.

ಚೆಸ್‌ ಡಾಕ್‌ ಕಾಮ್‌ ಆಯೋಜಿಸಿದ್ದ ಆನ್‌ಲೈನ್‌ ಚೆಸ್‌ ಪಂದ್ಯಾವಳಿಯಲ್ಲಿ ಭಾಗಿಯಾಗಿದ್ದ ನಾರ್ವೆಯ ಕಾರ್ಲ್ ಸನ್‌, ಫ್ರಾನ್ಸ್‌ನ ಅಲಿರೇಝ ಫಿರೌಜಿಯ ವಿರುದ್ಧ ಫೈನಲ್‌ ಪಂದ್ಯ ಆಡುತ್ತಿದ್ದರು. ಈ ವೇಳೆ ಒಂದು ತಪ್ಪು ನಡೆಯ ಕಾರಣ ಗೆಲ್ಲುವ ಪಂದ್ಯವನ್ನು ಕೈಚೆಲ್ಲಿದ್ದರು. ಇದಾದ ಬಳಿಕ ಎದುರಾಳಿಗೆ ಬೈಯುತ್ತ, ನೀರಿನ ಬಾಟಿಲಿ ಎಸೆದು, ಕಂಪ್ಯೂಟರ್‌ ಸ್ಕ್ರೀನ್‌ ಒಡೆದು ಹಾಕಿದ್ದಾರೆ. ಕಾರ್ಲ್ಸನ್‌ ಅವರ ಈ ವರ್ತನೆಯನ್ನು ಅನೇಕ ಚೆಸ್‌ಪಟುಗಳು ಖಂಡಿಸಿದ್ದಾರೆ.