60 ಕಡೆ ಚೆಕ್‌-ಇನ್‌: 30 ನಿಮಿಷದಲ್ಲಿ ಬ್ಯಾಗ್‌ ತಲುಪಬೇಕು: ಬಿಸಿಎಎಸ್‌

ಮುಂಬಯಿ: ವಿಮಾನ ನಿಲ್ದಾಣದಲ್ಲಿ ಇಳಿದ 30 ನಿಮಿಷಗಳ ಒಳಗಾಗಿ ಚೆಕ್‌ ಇನ್‌ ಬ್ಯಾಗ್‌ಗಳು ಪ್ರಯಾಣಿಕರಿಗೆ ತಲುಪುವುದನ್ನು ವಿಮಾನಯಾನ ಸಂಸ್ಥೆಗಳು ಖಾತರಿಪಡಿಸಿಕೊಳ್ಳಬೇಕು ಎಂದು ನಾಗರಿಕ ವಿಮಾನಯಾನ ಭದ್ರತಾ ಮಂಡಳಿ (ಬಿಸಿಎಎಸ್‌ ) ಆದೇಶಿಸಿದೆ.

ಸಾಮಾನ್ಯವಾಗಿ ಪ್ರಯಾಣಿಕರು ವಿಮಾನ ಲ್ಯಾಂಡ್‌ ಆದ ಬಳಿಕವೂ ಬ್ಯಾಗ್‌ಗಳಿಗಾಗಿ ಬ್ಯಾಗೇಜ್‌ ಕೌಂಟರ್‌ನಲ್ಲಿ ದೀರ್ಘ‌ಕಾಲ ಕಾಯುತ್ತಿರುವುದನ್ನು ಮಂಡಳಿ ಗಮನಿಸಿತ್ತು. ಹೀಗಾಗಿ ವಿಮಾನ ಲ್ಯಾಂಡಿಂಗ್‌ ಆಗಿ ಪಾರ್ಕಿಂಗ್‌ ಬೇಗೆ ಹೋಗುತ್ತಿದ್ದಂತೆಯೇ ಮೊದಲು ಚೆಕ್‌ಇನ್‌ ಆದ ಬ್ಯಾಗ್‌ ಅನ್ನು 10 ನಿಮಿಷದಲ್ಲಿ ಹಾಗೂ ಕಡೆಯಲ್ಲಿ ಚೆಕ್‌ ಇನ್‌ ಬ್ಯಾಗನ್ನು 30 ನಿಮಿಷದಲ್ಲಿ ತಲುಪಿಸುವುದನ್ನು ವಿಮಾನಯಾನ ಸಂಸ್ಥೆಗಳು ಖಾತರಿಪಡಿಸಲೇ ಬೇಕು ಎಂದಿದೆ.