ಹೊಸವರ್ಷ ಸಂಭ್ರಮಕ್ಕೆ ಬಂತು ‘ಡ್ಯಾಶ್‌’ ಸಾಂಗ್‌!

ಚಂದನ್‌ ಶೆಟ್ಟಿ ನಾಯಕನಾಗಿ ಅಭಿನಯಿಸಿರುವ ಮತ್ತು ಸಂಗೀತ ಸಂಯೋಜಿಸಿರುವ “ಸೂತ್ರಧಾರಿ’ ಸಿನಿಮಾದ ಮೊದಲ ಹಾಡು ಇತ್ತೀಚೆಗೆ ಬಿಡುಗಡೆಯಾಯಿತು. ರ್ಯಾಪ್‌ ಶೈಲಿಯಲ್ಲಿ ಮೂಡಿಬಂದಿರುವ “ಡ್ಯಾಶ್‌’ ಎಂಬ ಈ ಹಾಡಿನಲ್ಲಿ ಚಂದನ್‌ ಶೆಟ್ಟಿ ಜೊತೆಗೆ ನಟಿ ಸಂಜನಾ ಆನಂದ್‌ ಜೋಡಿಯಾಗಿ ಹೆಜ್ಜೆ ಹಾಕಿದ್ದಾರೆ.

ಅರೇಬಿಕ್‌ ಥೀಮ್‌ನಲ್ಲಿ ಮೂಡಿಬಂದಿರುವ ಈ ಹಾಡನ್ನು ಹೊಸವರ್ಷದ ಆಚರಣೆಗೆ ಮೆರುಗು ನೀಡುವಂತೆ ಮಾಡಲಾಗಿದೆ. ಕೇವಲ 4 ದಿನದಲ್ಲಿ, ಇಡೀ ಹಾಡಿನ ಚಿತ್ರೀಕರಣ ಮಾಡಿ ಹಾಡನ್ನು ಬಿಡುಗಡೆ ಮಾಡಲಾಗಿದೆ. ಹೊಸವರ್ಷದ ಪಾರ್ಟಿ ಮೂಡ್‌ ನ‌ಲ್ಲಿ ಈ ಸಾಂಗ್‌ ದೊಡ್ಡದಾಗಿ ಸೌಂಡ್‌ ಮಾಡುತ್ತದೆ ಎನ್ನುವುದು ಚಿತ್ರತಂಡದ ವಿಶ್ವಾಸದ ಮಾತು.

ಈಗಲ್‌ “ಮೀಡಿಯಾ ಕ್ರಿಯೇಷನ್ಸ್‌’ ಬ್ಯಾನರಿನಲ್ಲಿ ನವರಸನ್‌ ನಿರ್ಮಿಸುತ್ತಿರುವ “ಸೂತ್ರಧಾರಿ’ ಸಿನಿಮಾಕ್ಕೆ ಕಿರಣ್‌ ನಿರ್ದೇಶನವಿದೆ.