ಏನಿದು ಚಂದನ್ “ಗಾಂಜಾ” ಹಾಡಿನ ವಿವಾದ? ಸಿಸಿಬಿ ಪೊಲೀಸರಿಂದ ನೋಟಿಸ್

ಬೆಂಗಳೂರು: ಮಾದಕ ವಸ್ತುಗಳ ಸೇವನೆಗೆ ಪ್ರಚೋದನೆ ನೀಡುವ ಹಾಡನ್ನು ಬಿಡುಗಡೆ ಮಾಡಿದ್ದ ಬಿಗ್ ಬಾಸ್ ಖ್ಯಾತಿಯ ಚಂದನ್ ಶೆಟ್ಟಿಗೆ ಸಿಸಿಬಿ ಪೊಲೀಸರು ವಿಚಾರಣೆಗೆ ಹಾಜರಾಗುವಂತೆ ನೋಟಿಸ್ ನೀಡಿದ್ದಾರೆ.

“ಅಂತ್ಯ” ಶೀರ್ಷಿಕೆಯಲ್ಲಿ  2015ರ ಜುಲೈ 18ರಂದು ಹಾಡು ಬಿಡುಗಡೆಯಾಗಿತ್ತು. Rap ಸಾಂಗ್ ನಲ್ಲಿ ಮಾದಕ ವಸ್ತು ಸೇವನೆಗೆ ಪ್ರಚೋದನೆ ನೀಡುವಂತಹ ಸಾಲುಗಳಿವೆ ಎಂದು ಆರೋಪಿಸಲಾಗಿದೆ. ಗಾಂಜಾ ಹೊಡೆದು ಮತ್ತಿನಲ್ಲಿ ನಗುತ್ತಿರುವ ಎಂಬಂತಹ ಸಾಹಿತ್ಯ ಸೇರಿಸಲಾಗಿದೆ ಎಂದು ದೂರಲಾಗಿದೆ.

ಚಂದನ್ ಶೆಟ್ಟಿ ಹಾಡಿ, ಬಿಡುಗಡೆ ಮಾಡಿರುವ ಸಾಂಗ್ ನಲ್ಲಿ ಮಾದಕ ವಸ್ತು ಸೇವನೆ ಪ್ರಚೋದನೆ ಸಾಹಿತ್ಯ ಇದೆ ಎಂದು ತಿಳಿದುಬಂದಿದ್ದು, ಈ ಬಗ್ಗೆ ವಿಚಾರಣೆಗೆ ಹಾಜರಾಗುವಂತೆ ಚಂದನ್ ಶೆಟ್ಟಿ ಅವರಿಗೆ ನೋಟಿಸ್ ನೀಡಲಾಗಿದೆ ಎಂದು ನಗರ ಪೊಲೀಸ್ ಆಯುಕ್ತ ಟಿ ಸುನೀಲ್ ಕುಮಾರ್ ತಿಳಿಸಿದ್ದಾರೆ.