ಫಿಕ್ಕಿ ಕಾರ್ಯಕ್ರಮದಿಂದ ದೂರ ಉಳಿದ ಚಂದಾ

ಹೊಸದಿಲ್ಲಿ: ಕೈಗಾರಿಕಾ ಸಂಘಟನೆ ಫಿಕ್ಕಿ ಆಯೋಜಿಸಿರುವ ಕಾರ್ಯಕ್ರಮದಿಂದ ದೂರ ಉಳಿಯಲು ಐಸಿಐಸಿಐ ಬ್ಯಾಂಕ್‌ ಎಂ.ಡಿ. ಮತ್ತು ಸಿ.ಇ.ಒ. ಚಂದಾ ಕೊಚ್ಚಾರ್‌ ನಿರ್ಧರಿಸಿದ್ದಾರೆ. ವಿಡಿಯೋಕಾನ್‌ ಗ್ರೂಪ್‌ಗೆ ನಿಯಮ ಮೀರಿ ಸಾಲ ನೀಡಲಾಗಿದೆ ಎಂಬ ಆರೋಪಕ್ಕೆ ಗುರಿಯಾಗಿರುವ ಅವರು ಈ ನಿರ್ಧಾರಕ್ಕೆ ಬಂದಿದ್ದಾರೆ. ಫಿಕ್ಕಿಯ ಲೇಡೀಸ್‌ ಆರ್ಗನೈಸೇಷನ್‌, ಏ.5ರಂದು ಅವರಿಗೆ ಸನ್ಮಾನ ಏರ್ಪಡಿಸಿತ್ತು. ರಾಷ್ಟ್ರಪತಿ ರಾಮನಾಥ ಕೋವಿಂದ್‌ ಮತ್ತು ಇತರ ಗಣ್ಯರು ಅದರಲ್ಲಿ ಭಾಗವಹಿಸುತ್ತಿದ್ದಾರೆ. ಚಂದಾ ಕೊಚ್ಚಾರ್‌ ನಿರ್ಧಾರದ ಹಿನ್ನೆಲೆಯಲ್ಲಿ ಗಣ್ಯರೆಲ್ಲರಿಗೆ ಪರಿಷ್ಕೃತ ಆಹ್ವಾನ ಕಳುಹಿಸಲಾಗಿದ್ದು, ಅದರಲ್ಲಿ ಅವರ ಹೆಸರು ಮುದ್ರಿತವಾಗಿಲ್ಲ.