ಪೊಲೀಸ್‌ ವಾಹನದಲ್ಲೇ ಊಟಕ್ಕೆ ತೆರಳಿದ ಚಂಪಾ!

ಶುಕ್ರವಾರ ಅದ್ಧೂರಿ ಮೆರವಣಿಗೆ ಮೂಲಕ ಸಮ್ಮೇಳನದ ಪ್ರಧಾನ ವೇದಿಕೆಗೆ ಚಂದ್ರಶೇಖರ ಪಾಟೀಲ (ಚಂಪಾ) ಮತ್ತು ಅವರ ಪತ್ನಿ ನೀಲಾ ಅವರನ್ನು ಕರೆತರಲಾಗಿತ್ತು. ಇದು ಸಮ್ಮೇಳನಾಧ್ಯಕ್ಷರಿಗೆ ನೀಡುವ ಗೌರವ.

ಆದರೆ, ಸಮ್ಮೇಳನ ಮುಗಿಯುವುದಕ್ಕೂ ಮುನ್ನವೇ ಚಂಪಾ ಅವರನ್ನು ಪೊಲೀಸ್‌ ವಾಹನದಲ್ಲಿ ಸೈರನ್‌ ಸಮೇತ ಊಟಕ್ಕೆ ಕರೆದುಕೊಂಡು ಹೋಗಿದ್ದು, ಕನ್ನಡಾಭಿಮಾನಿಗಳ ಕಣ್ಣಿಗೆ ವಿಚಿತ್ರವಾಗಿ ತೋರಿತು.

ಸಮ್ಮೇಳನಾಧ್ಯಕ್ಷರಿಗೆ ಪ್ರತ್ಯೇಕ ವಾಹನ ವ್ಯವಸ್ಥೆ ಮಾಡದೇ ಪೊಲೀಸ್‌ ವಾಹನದಲ್ಲಿ ಅವರನ್ನು ಅವರ ಕುಟುಂಬದವರನ್ನು ಕರೆದುಕೊಂಡು ಹೋಗಬಾರದಿತ್ತು. ಆಯೋಜಕರು ನಿರ್ಲಕ್ಷ್ಯ ಮಾಡಿರುವುದು ಸರಿಯಲ್ಲ ಎಂದು ಕೆಲವರು ಕಿಡಿಕಾರಿದರು.