ಅನಾಥ ಮಕ್ಕಳೊಂದಿಗೆ ಸಿಇಒ ಮಾನಕರ ದೀಪಾವಳಿ

ಬಾಗಲಕೋಟೆ: ಇಲ್ಲಿನ ಜಿಪಂ ಸಿಇಒ ಗಂಗೂಬಾಯಿ ಮಾನಕರ ತಮ್ಮ ಸರ್ಕಾರಿ ನಿವಾಸದಲ್ಲಿ ಅನಾಥ ಮಕ್ಕಳೊಂದಿಗೆ ದೀಪಾವಳಿ ಹಬ್ಬ ಆಚರಿಸಿದರು.

ನವನಗರದ ಸರ್ಕಾರಿ ಬಾಲಕಿಯರ ಹಾಗೂ ಬಾಲಕಿಯರ ಬಾಲ ಮಂದಿರದ ಮಕ್ಕಳನ್ನು ತಮ್ಮ ನಿವಾಸಕ್ಕೆ ಕರೆಸಿ, ಅನಾಥ ಮಕ್ಕಳು ಹಬ್ಬದ ಸಂಭ್ರಮ ಸವಿಯುವಂತೆ ಮಾಡಿದರು. ಬಾಲ ಮಂದಿರದ ಎಲ್ಲ ಮಕ್ಕಳಿಗೆ ಹೊಸ ಬಟ್ಟೆ ನೀಡಿ, ಮಕ್ಕಳ ಕೈಯಿಂದಲೇ ದೀಪ ಬೆಳಗಿಸಿದರು. ಬಳಿಕ ಮಕ್ಕಳಿಗೆ ಸಿಹಿ ಊಟ ಮಾಡಿಸಿದರು. ಮಾನಕರ ಅವರ ಈ ದೀಪಾವಳಿ ಹಬ್ಬದ ಆಚರಣೆಗೆ ಎಲ್ಲ ಮಕ್ಕಳು ಸಂಭ್ರಮಪಟ್ಟರು.