ಎಲ್‌ಟಿಟಿಇ ಉಗ್ರ ಸಂಘಟನೆ ನಿಷೇಧ ವಿಸ್ತರಣೆ: ಗೃಹ ಸಚಿವಾಲಯದ ಅಧಿಸೂಚನೆ

ಹೊಸದಿಲ್ಲಿ :ಪ್ರಬಲ ಭಾರತ ವಿರೋಧಿ ನಿಲುವು ಹೊಂದಿರುವ ಮತ್ತು ದೇಶದ ಭದ್ರತೆಗೆ ಬೆದರಿಕೆ ಒಡ್ಡಿರುವ ಲಿಬರೇಶನ್‌ ಟೈಗರ್ ಆಫ್ ತಮಿಳ್‌ ಈಳಂ – ಎಲ್‌ಟಿಟಿಇ – ಉಗ್ರ ಸಂಘಟನೆಯ ಮೇಲಿನ ನಿಷೇಧವನ್ನು ಮತ್ತೆ ವಿಸ್ತರಿಸಿ ಕೇಂದ್ರ ಗೃಹ ಸಚಿವಾಲಯ ಇಂದು ಹೊಸ ಅಧಿಸೂಚನೆ ಜಾರಿ ಮಾಡಿದೆ.

ಎಲ್‌ಟಿಟಿಇ ಪ್ರತ್ಯೇಕ ತಮಿಳ್‌ ಈಳಂ (ತಾಯ್ನಾಡು) ಸ್ಥಾಪನೆಯ ಉದ್ದೇಶ ಹೊಂದಿದ್ದು ಇದು ದೇಶದ ಸಾರ್ವಭೌಮತೆ ಮತ್ತು ಭೌಗೋಳಿಕ ಸಮಗ್ರತೆಗೆ ಬೆದರಿಕೆಯಾಗಿರುತ್ತದೆ. ಅಂತೆಯೇ ಇದು ಭಾರತೀಯ ಒಕ್ಕೂಟದಿಂದ ಭೂಭಾಗದ ಪ್ರತ್ಯೇಕತೆಗೆ ಕಾರಣವಾಗಿತ್ತು. ಆದುದರಿಂದ ಇದು ಕಾನೂನು ಬಾಹಿರ ಚಟುವಟಿಕೆಗಳಿಗೆ ಒಳಪಡುತ್ತದೆ ಎಂದು ಕೇಂದ್ರ ಗೃಹ ಸಚಿವಾಲಯ ಮೇ 14ರಂದು ಹೊರಡಿಸಿರುವ ಅಧಿಸೂಚನೆಯಲ್ಲಿ ಹೇಳಿದೆ.