ಶೇ.28ರಷ್ಟು ಬೆಮೆಲ್‌ ಷೇರು ಮಾರಾಟ?

ಕೋಲ್ಕತಾ: ಭಾರತ್‌ ಅರ್ಥ್ ಮೂವರ್ಸ್‌ ಲಿಮಿಟೆಡ್‌ (ಬಿಇಎಂಎಲ್‌)ನಲ್ಲಿ ಕೇಂದ್ರ ಸರಕಾರ ತಾನು ಹೊಂದಿರುವ ಶೇ.28ರಷ್ಟು ಷೇರುಗಳನ್ನು ಮಾರುವ ಸಾಧ್ಯತೆ ಇದೆ. ಉಳಿದಿರುವ ಶೇ.26ರಷ್ಟು ಷೇರುಗಳನ್ನು ಮಾತ್ರ ಮುಂದುವರಿಸಲು ಇಂಗಿತ ವ್ಯಕ್ತಪಡಿಸಿದೆ. ಸದ್ಯ ಕೇಂದ್ರ ಸರಕಾರ ಶೇ.54.03ರಷ್ಟು ಪಾಲನ್ನು ಹೊಂದಿದೆ.

2016ರಲ್ಲಿ ಕೇಂದ್ರ ಸಂಪುಟಕ್ಕಾಗಿನ ಆರ್ಥಿಕ ವ್ಯವಹಾರಗಳ ಸಮಿತಿ ಶೇ.26ರಷ್ಟು ಪಾಲು ಮಾರಾಟ ಮಾಡುವ ಬಗ್ಗೆ ತೀರ್ಮಾನ ಕೈಗೊಂಡಿತ್ತು. ಸರಕಾರ ತಾನು ಹೊಂದಿರುವ ಶೇ.28ರಷ್ಟು ಪಾಲನ್ನು ಮಾರಲಿದೆ. ಈ ನಿಟ್ಟಿನಲ್ಲಿ ಪ್ರಾಥಮಿಕ ಕೆಲಸಗಳನ್ನು ಶುರುಮಾಡಿದೆ ಎಂದು ಸಂಸ್ಥೆ ಅಧಿಕಾರಿಗಳು ತಿಳಿಸಿದ್ದಾರೆ.